[أ/رضا عطيه]

خاصة إذا عرفنا أن الأخ محمود سعد يأخذ مليونًا ونصفًا فى الشهر؛ لأنه قاعد فى التكييف ويقدم برامج والأخت منى الشاذلى تأخذ 4 ملايين فى السنة، ومش عاجبها وتريد زيادة راتبها، والأخت دينا عبد الرحمن تأخذ ربع مليون جنيه فى الشهر، ومش عاجبها.


مش عاجبهم ؟؟؟؟!


نفسى أسأل سؤال وحد يرد عليًّ

هى الفلوس اللى بياخدوها الناس دى فلوس زى اللى بنقبضها من السكرتير كل شهر ؟
يعنى بالجنيه المصرى أبو أجنحة وطيار ؟

ولانوع جديد ومقصقصين ريشه؟

أتذكر جيدا منذ سنوات عندما وضعوا منحة العمال على المرتب شهريا وكانت 10جنيه
اتجمعنا كلنا فى المدرسة وعملنا يوم رياضى للأولاد وختمناه بأكلة فسيخ للهيئة كلها
وكان يوم لاينسى بسبب فرط السعادة التى شملت الجميع لأن المرتب زاد 10جنيه شهريا يعنى 120جنيه فى السنة
وهذا العام تكلف خمسة من المعلمين المثبتين حديثا بشراء فرختين وعمل غدا جماعى لأنهم هيقبضوا مرتب 420جنيه بدلا من 105
بالله عليكم مش كان ده كله هبل مننا
بالله عليكم من الأحق بالثورة وانجازاتها
نحن المتلهفون لعشرة جنيهات زيادة على المرتب والمحرومين من قبل ومن بعد
أم هؤلاء المنعمون بنعيم البلاد فى زمن الفساد وبعد الثورة؟
بجاحة ليس لها نظير
فى عهد يسعى فيه الشرفاء بأن يكون شعاره
لافرق بين أمير وغفير
سنرفعه بأمر الله قريبا رغم أنف المعارضين



شكرا جزيلا على الخبر