[مروه]

السلام عليكم

يارب تكونوا بخير كلكم

بصراحة أنا مش من محبى كتابة مواضيع

بس الموضوع ده استفزنى جدا

لحد دلوقتى مش قادره أفهم يعنى إيه

ناس أجانب متهمين فى قضية لها علاقة بأمن قومى

وشغالين فى البلد شبه جواسيس

ومضبوط فى مقراتهم ملايين ومخدرات

والنيابة تحقق وتثبت ضدهم أكتر من 60 دليل إدانة

ويصدر ضدهم قرار بمنع سفرهم

وعادى كده تيجى طيارة عسكرية تنقلهم لبلدهم معززين مكرمين

هو _ على ما أظن _ إننا برضه المفروض دولة قانون
وعندنا إستقلال قضائى

بجد يا بخت المواطن الأمريكى
اللى دولته رفضت إنه يتحط فى قفص رغم إنه مدان
وتمارس كل الضغوط دى عشانه

أول ما سمعت الخبر ده
افتكرت المصريين اللى فى السعودية
أكتر من 250 مصرى معتقلين فى السجون السعودية
بدون تهمة وبدون محاكمه بقالهم 12 سنه
ولا حتى حد عبرهم


بجد فعلا بعد ما قارنت الموقفين دول
حسيت إن كرامتنا فعلا رجعت بعد الثورة
لأ ... مش كده وبس
الواحد حس بمكانة مصر
وفرض سيادتها
وإن الدول لها بقت بتعمل لها حساب
وإتأكدت ن إستحالة حد يفرض عليها قراراته أو سياسة معينة
أو حتى يفكر يتدخل فى القضاء