[سامرسامر]

حملة اعرف عدوك
السؤال الان:
================================================
لية مصر افرجت على الامريكان ورفعت حظر السفر؟؟

علشان نجاوب على السؤال دة لازم الاول نتفق على 3 مبادئ قبل منبتدى:
1- انا ابدا لا اشك فى وطنية واخلاص المجلس الاعلى للقوات المسلحة لمصر
2- لا اشك ابدا فى وطنية د الجنزورى ولا وطنية د فايزة ابو النجا
3- القضاء المصرى قضاء وطنى يحب مصر ويراعى مصلحة بلدة اولا.

ثم اما بعد......
1- علشان احنا بننسى بسرعة او مش متبعين اخبار وكل همنا اننا نكيل الاتهامات لبعض سواء كنا على حق او على باطل احب اذكر ان من اكتر من شهر طلع اكتر من خبير اقتصادى مصرى معروفين لينا جميعا طلعو علينا سواء من على شاشات التلفزيون او من خلال صفحات الجرائد وقالو ان لو مصر مقدرتش تحل الازمة المالية اللى بتتعرض ليها حاليا وتقدر توقف نزيف الاحتياطى النقدى اللى بيحصل لها ...مصر هتنهار فى شهر مارس 2012 .
وبعد كدة تابعنا محاولات الحكومة المستميتة علشان تقدر تخلى البنك الدولى يوافق على اقراض مصر قرض قدرة 3 مليار دولار علشان تقدر تمنع الانهيار الاقتصادى اللى هيحصل لمصر فى شهر مارس واللى طبعا هيتبعة تبعيات كارثية مثل ثورة الجياع.
( ملحوظة: من لحظة ما الثورة قامت المطالب الفئوية مخلصتش ودلوقتى الطلبات بقيت غير طبيعية فتخيل لو مصر مقدرتش تقدم مرتبات اية اللى هيحصل؟؟؟؟؟؟).
2- جاء موضوع قضية التمويل الاجنبى للمنظمات العاملة فى المجتمع المدنى غير الرسمية
القضية تم تحويلها لجنحة نظرا لان القضية كلها تتلخص فى تلقى تمويل بدون تصريح بمعنى ان القضية سيحكم فيها بالغرامة
هتقولى هل تصوير مواقع عسكرية جنحة؟؟
هرد عليك واقولك انتة متسمعش عن اتفقيات تبادل الجواسيس بين الدول اللى بتنص على اذا اتمسك جاسوس اجنبى بيتم الافراج عنة فى مقابل الافراج عن جاسوس مصرى
واذا اتمسك خائن يتم محاكمتة طبقا لقانون الدولة
اذاً ما المانع ان يسلم المتهمين الامريكان لدولتهم فى مقابل الاتى:
========================================
1- موافقة صندوق النقد الدولى على قرض بفوائد ميسرة من المحتمل ان يصل الى حوالى 10 مليار دولار
2- عدم التدخل الامريكى فى الشأن المصرى( راجع احداث استاد بورسعيد والفتنة الطائفية وكل الاحداث التى اصابت مصر فى الفترة الاخيرة والتى تؤكد وجود ايدى خارجية تعبث فى مصر)
3- وهناك انباء شبة مؤكدة عن تسليم عمر عفيفى لمصر
4- وايضا انباء عن تسليم عدد 50 مسجون مصرى فى امريكا وعلى رأسهم عمر عبد الرحمن مقابل الـــ19 أمريكى المتهم فى القضية


طب ودليلى على كدة اية:
===============
السعودية امبارح بس صرحت بضخ حوالى 700 مليون دولار كدفعة اولى لمصر لمساعدة الاقتصاد المصرى فى النهوض
هتقولى طب اية دخل السعودية بامريكا؟
هقولك اللى متعرفوش حضرتك ان الثروة السعودية موجودة فى امريكا على شكل ودائع بمليارات الدولارات. وباشارة من امريكا تقدر تجمد الفلوس دى
وزى ما امريكا ضغطت على السعودية علشان متديش المساعدات اللى وعدت بيها مصر.. هى اللى ضغطت عليها دلوقتى علشان ترجع تدى المساعدات لمصر.
وأخــــيرا اقــــــــــول:
===========
المحافظة على قوة الجبهة الداخلية وتماسكها اهم بكثير من الشو الاعلامى الذى يصور من على رأس الحكم بالابطال.
واعتقد كلنا نعلم ماذا كانت تبعيات قرار جمال عبد الناصر بتأمين قناة السويس والتى ادت الى حرب 56. وبعد ان اصر على مواقفة البطولية الاعلامية تسبب هذا فى اسوء هزيمة عسكرية فى تاريخ مصر الا وهى هزيمة 67.
ولكن هانت على المجلس الاعلى للقوات المسلحة والحكومة انفسهم ولم يكترثو بحجم الاهانات والاتهامات التى ستوجة لهم نظير هذا القرار وهذا فى مقابل ان تظل مصر مستقرة فى ظل هذة الظروف بالغة الخطورة التى تعصف بالبلاد. وحتى يستطيعو ان يحافظو على الامانة التى ائتمنهم عليها الشعب المصرى الى ان يسلموها الى من يختارة شعب مصر حاكما عليهم.

فتحية منا اليهم ونقول لهم اننا لن تهتز ثقتنا بكم مهما كان