الف مبروك على القرارات ال بتتاخد وللاسف
كعادة الحكومة
( حبر على ورق )
مش عارف اهنيكم ولا اعزيكم .......... !!
والله مش عارف !
مفيش حد فيكم وقف مع نفسه وقفة وقال
ان العالم دى بتضحك على عقولكم
يامدرسين يا محترمين يا افاضل يا مؤهلات عليا .....!!
حد ادنى يتساوى مع العمال والفراشين ( البصمجية )
قولنا الحمد لله وماله الصبر حلو !!
لاطلبنا نكون زى البترول ولا الكهربا ولا الاثار
ولا.... ولا..........!!
احنا ال بنخرج الناس دى كلها
ويبقا طالب عندك ف الفصل وبعد كام سنة
ياخد مرتب عشرات اضعاف مرتبك .
قولنا احنا كنا فين وبقينا فين
الحمد لله 700 جنيه مرة واحدة
دا احنا كده بنحلم وبرضو لم يطبق !!
اقتصاد البلد بينهـــــــــــــــــــار !!
دا للمعلمين بس !!
اما بتوع المحاكم هههههههه انتو تأمرو !!
ياعينى ع البلد وعليك يا عم عربي " الزير المدرس " قول واشجينى كمان >>>!!
والغريبة ان العربي بيه جمال ( ال هو المفروض الوزير بتاعنا )
للاسف ودن من طين وودن من عجين ...
ولا كأنه وزير .......؟؟
الا قولولى صح هو قاعد فى الوزارة بيعمل ايه.....؟
نفسي حد يجاوبنى ..........؟
الا هو صحيح وزير ..؟؟
طب لما هو وزير مش بيعمل حاجة ليه ...؟
ولا هو عاجبه الوضع دا ؟؟ ا
المهم عشان مطولش عليكم يا محترمين
ال هيحصل كالاتى :
- الفراشين هيدو للمدرسين بقشيش
هنفضل احنا زى ما احنااا ,,, !!
- ملحوظة بسيطة: بالله عليكم ال يقولى متبقاش متشائم
هقوله هما فعلا لو عايزين يعملو خطوة
كانو قعدو كل الوقت ده ؟!!
ولا اشمعنا اقتصاد البلد عندنا احنا بس ؟
ماترد ياعم ؟
اسماء وجوابات واوراق وفاكسات وكله = صفر
مجلس الشعب بيرمي على الوزراء
والوزراء ع الوزارة و هع هع هع "دى الضحكة الجديدة"
يعني معقولة كل دا علشان يناقشو ويعتمدو حتة قانون !!
الله اعلم يمكن العالم دى نيتها خير ؟؟
عارفين ليه كل دا بيحصلنااا ......؟
اقولكم انااا
اسمعونى بقااااا
عشان كل عشرة ولا عشرين يروحو يعملو اعتصام
وباقى المدرسين ال بيقولوا برد ,,,,,,
او مفيش مواصلات ,,,,,,
نايمين فى بيتهم ويقولو اذا عملو حاجة هتيجي للكل ,,,,,
وان معملوش اهو احنا قاعـــــــــــدين
( الهى ما تقومو من مكانكم ) ..!! "سورى بس من غيظي"
فوقو بقا يا مدرسين اصحو من الكلام فى كلام وكلام
وحبر على ورق وتصريحات وحرقة دم واعصاب مشدودة
عارفين انتو 520 الف متعاقد ومعلم بالحصة فى الجمهورية ....!!
من الاخر
ميعادنا 31/3/2012
لا قطع طرق ولا تكسير ولا تخريب اعتصااااام سلمي
مفيش امتحانات ثانوية
تخيلو لو نص العدد ده حضر فى اعتصام مفتوح ....!!
استحمل اسبوع فى الشارع وبعد كده هتستريح
والا هتستريح فى بيتكم وترجع للذل والاهانة تانى ووعود وكلام معسول وعهود ( على رأى ال بيغني )
الا صحيح هو مين ال بيغنيها ؟
موعدنا 31/3/2012 ,,,! اعتصام مفتوح من كل انحاء الجمهورية امام مجلس الشعب
ولن نرضى باقل من تعيين وتطبيق الكادر على الكل
ومش هنرجع الا لما نلاقى اسماءنا ال هى عندهم من سنين
جات الادارات والمدارس .
وطبقوا قانون الكاادر
خليكو رجالة مرة واحدة
دا لو لسا فيه رجالة !!
اللهم انى بلغت اللهم فـــــــــــــــــــــــــــ أشهـــــــــد ..
اخوكم: احمد عبد الله
للتواصل hardtime2010 على الياهو
