[روميو]

الموضوع ده كبير اوى

فى اول كلامى احب اقول حاجة مهمة جدا وهى جملة جميلة اوى

(اعمل ماشئت فالديان لايموت وكما تدين تدان )

انا سالت السؤال ده لمجموعة من اصدقائى اللى بيكلموا بنات وكده قلتلهم انتا مش خايف اللى بتعمله فى اى بنت يحصل فى اختك الكل كانت اجابته واحدة قالولى احنا اخواتنا محترمين ومؤدبين قلتلهم اكيد اخوات البنات اللى بتكلموها فاكرين اخواتهم برده محترمين بس كل واحد عاوز يطلع اخته محترمة والبنات الانية وحشة يقولك اختى بتلبس محترم لكن البنت دى بتلبس ضيق وكده معلش انتا مين عشان تحاسبها ومعلش طالما البنت مش خايفة من ربنا معلش مش حتخاف من انسان والعظمة لله وحده يعنى والله اللبس حاجة شخصية بس الشباب معظمه بيحب يفتخر انه بيكلم بنات وكده وبيخرجوا مع بعض وكده وتلاقى البنت فاكرة انه بيخاف عليها مع انه قايل لاصحابه كلهم واللى بيعمل حاجة مش بيبص لقدام او بيبص ايه اللى حيحصله بعد كده زى مابيقولوا انا وبعدى الطوفان انا المهم عندى امتع نفسى وبعد كده خلاص مش مهم اى حاجة تانية وبعدين معلش حتى لو الواحد مش عنده اخوات اللى هما اقرب حاجة الواحد لازم يخاف من الله ويبص لربنا قبل لما يعمل اى حاجة وبعدين يبص ان له اخت او عمة او خالة او بنت خال او اى قريبة له بس ربنا اولا يعنى معنى كده انى لو ماليش اخوات اعمل اللى انا عاوزه

بجد الموضوع خطير جدا وادعوا الله ان يهدى الشباب والبنات ويهدى المسلمين جميعا وان يرشدنا الى طريق الخير والصلاح