أوعوا حد يقولها تاني
ولاينطق مرة تانية بيها
اللي بيقول اصبر أناني
وممكن يكون عميل للامريكان ولاسرائيل
عاوز يشارك فى مهزلة ووهم التعليم
ولايعرف المعني الا اللي فيها
لو كان في يوم واحد يعاني
كان كره الكلمة ومعانيها
صبر تاني مش صابرين
إحنا صبرنا سنين وسنين
وإحنا أصحاب الخير ع الكل
وفي النهاية شحاتين
وأوعوا تقولوا أصحاب رسالة
أصل الكلمة دي اشتغاله
بسببها بقينا مش لاقيين
شوفوا بقي وبكل بساطة
معني الرسالة مش شحاتة
انتو فهمتوا المعني غلط
ياغرقانين في الشيكولاته
وانتوا بتاخدوا منها كويس
والبلد حلوة وخيرها كتير
وأما تيجي عند المدرس
البلد مش ناقصة تدمير
الهيئة . البنوك والبترول
الضرايب . الكهربا والاتصالات
الجيش . الشرطة والجامعات
في خير البلد غرقانين
عشان مش أصحاب رسالة
أما بقي المدرسين
دول بقي حالتهم حالة
ولازم يبقوا شحاتين
هو دا تمن الرسالة
الصورة من اعمالى والكلمات للزميل أحمد منصور