[أميرة الحب]

المشاركة الأصلية كتبت بواسطة العندليب الحزين

فعلا حضرتك كلامك مظبوط
وفيه حاجة تانية هو اصلا مين اللى جمع القران (عثمان بن عفان )
ولا هو نزل مجمع لا طبعا
يعنى شفرة 19 وحاجات كتير انتشرت اوى اليومين دول
مش لها علاقة على الاطلاق ومش اكتر من صدفة بحته ياريت نشغل بالنا بأبات القران ونهتم بيها ونسيب الامور دى على العموم شكرا لنشرك الفكرة دى

يا جماعة خدوا في بالكوا إن ربنا يعلم الغيب ويعلم القرآن إزاي هيتم جمعه وكل الأمور دي

ثم حكاية شفرة 19 فعلا صحيحة

ومش صدفة

وماشي طبعا نشغل بالنا بآيات القرآن ونعمل بيها ده شئ أساسي ... بس الإعجازات العلمية أو الرقمية الموجودة في قرآننا العظيم .. واللي تحدث فيها علماء كتييييييير ( فضيلة الشيخ الشعرواي .. دكتور زغلول النجار .. عبد الله المصلح .. وجدي غنيم .. عمر عبد الكافي ) وغيرهم كتير ... الإعجازات دي هيا اللي نقدر نقنع بيها الغرب وغير المسلمين بإن ديننا الإسلام فعلا منزل من عند الله سبحانه وتعالى بدليل الإعجازات الرهيبة دي اللي في القرآن أو السنة .. وعلى فكرة دخل في الإسلام ناس كتيييييييييير في جميع أنحاء العالم لما قروا عن الإسلام وعن أخلاقه وكمان الإعجازات اللي فيه

ومحدش يقول احنا مش محتاجين لهذه الإعجازات احنا مؤمنين من غيرها

احنا مش هنكون أحسن من سيدنا إبراهيم عليه السلام

في آية في سورة البقرة بتقول " وإذ قال ابراهيم رب أرني كيف تحيي الموتى .. قال أولم تؤمن .. قال بلى ولكن ليطمئن قلبي " ... صدق الله العظيم

أرجو إني أكون وضحت كلامي

وفي موقع خاص بالإعجازات العلمية في القرآن ادخلوا عليه وهتبهروا وأكيد هتفهموا قصدي

www.55a.net

والسلام عليكم