[Dr..Soha]

المشاركة الأصلية كتبت بواسطة خالد احمد الاحمد

إحنا طبعا زى ما أنتم عارفين إننا ف سن المراهقه وكل منا كشاب يحاول أن يبذل جهده ليكون مصدر إعجاب للفتاه

طبعا الحكايه دى واضحه جدا ف دروسنا كطلبه ثانوى والتى يكون فيها الاختلاط

فنجد الشاب منا جاى مجلجل شعره وحاطط البرفان التمام ولابس الحته إللى ع الحبل وتلاقيه بيسلم ع أصحابه الشباب بكل فتور أما مع البنات تلاقى الرقه والحنيه والصوت الواطى وشويه وحيعيط من الرقه

وأول ما يبدأ الدرس يبدأ يهذر وينكت علشان يضحك المجموعه ..طبعا هو مش قاصد يضحك المجموعه كلها بل أشخاص معينه ويبدأ يستخف دمه حتى ليقال عليه دمه خفيف
ويكون بكده هو دنجوان المجموعه ويبدأ يكون صداقات مع الفتيات التى بطبيعتهن يعجبون بالشاب المرح اللذيذ وذلك إلا من رحم ربى

بجد أنا بستنكر الحكايه دى خالص وبحتقر الشاب اللذى م هذه النوعيه لأنه بيفقد تركيزه ف الدرس وينعكس ذلك ع مذاكرته ف البيت وقد تعطله كثيرا وتندمه ف المستقبل أكثر وأكثر

بجد لازم نحاول نلتزم بالأدب والذوق ف معاملات البنات لا بالعزله التامه أو بالإختلاط التام وتكون معاملاتنا معهن ف نطاق الأخوه فقط

مستنى ردودكم

عندك حق فعلا بقت ظاهرة منتشرة فعلا والبنات كمان كان معانا بنات بتروح تقعد فى وش الشباب ويقولو علينا اننا معقدين بس الحمد لله ده نعمة وفضل من ربنا ولازم الناس اللى كدة تغير سلوكها . ربنا يهدينا جميعا للصواب.