[To Be Is To Do]

المشاركة الأصلية كتبت بواسطة dr.mohamed taha

كلام جميل وكلام تغريد جميل بردو
بس عايز أقول حاجه (مانا لازم أقول )
مش عيب لما تتحدث مع بنت لكن العيب كل العيب انك تتعدى الحد
لو كلامك كله ف الدراسة بس فما أجملها من معرفة بشرط تكون في وسط المجموعة يعني بدون خلوة
ولعلمك البنت بطبعها محترمة حتى وإن كانت سيئة الخلق .. ودول قليلين ,, لكن لو حد ادالها كلمتين بتحس على دمها على طول بعكس الولد دماغه ناشفة
وعامة السن اللي انت فيه .. الحمد لله على وشك الخروج منه .. دايماً المقام الأول فيه الا من رحم الله الإنسان بيفكر في الموضوع ده حتى أنا دايماً كنت بقول ياربي هعمل ايه لما أدخل الجامعة
بص أنا مش هكلم ولا واحده باذن الله حتى لو ايه اللي حصل
الشيطان يقولي يلا يا عبيط انت انطوائي و مش هتنفع تبقى مهندس لأن لازم يكون ليك زميلاتك ف العمل
أضعف !! و أقول طب .. ومش عارف ايه
وبعد كده أرجع أمسك نفسي وأقول لأ مش هكلم حد
واستمر الصراع الى نهاية التيرم الأول ولما دخلت التيرم التاني انشغلت عن البنات تماماً و فكري تغير بدرجة 180 درجة سبحان مغير الأحوال
معنتش بفكر ف الحكاية دي خالص لدرجة اني اعتبرت كل البنات أخواتي إلا واحده لسه ف علم الغيب الله أعلم ايه أخبارها دلوقتي عايشة ولا ميته ههههههههههههه
المهم اللي غير حياتي قصة بسيطة في موضوع بماذا تأثرت
خلاصة كلامي : لاتدع التفكير في النوع الأخر يشغل دماغك فالكون مملووووووء بأشياء أفضل من ذلك بكثير وبلاش تزودها على دماغك .. دماغك كبير واكبر من كونه يثير إعجاب فتاة ..
ابقى فرحها يا خويا لو تتجوزها بدل ما تنكد عليها جاتك نيلة (خطاب لكل شاب )
بالتوفييييييييييييق والتباديل

هههههههههههههههههههههه
كلامك مضبوط يا بشمهندس
"ابقى فرحها يا خويا لو تتجوزها بدل ما تنكد عليها جاتك نيلة (خطاب لكل شاب )"
حلو الخطاب ده
ههههههههههههههههههههههه
الواحد بيستفيد بشده من إللى ف الكليه لان عقلهم بيكون نضج
مشكور ع المرور الطيب يا بشمهندس