[د/نداء الجنة المصرية]

الموت
المعروف ان الناس دايما بتكون حريصة على الدنيا وعايزة تجمع فلوس وبينسوا الموت ويخافوا منه انما دلوقتى انا شايفة ان الشباب كله مستعد للموت ومش خايف منه ولاعايز فلوس فياترى ده شئ كويس؟ انا شايفة ان ده مش كويس لانى حاسه ان عدم الخوف من الموت اللى موجود عندنا دلوقت متولد من حسرتنا على الناس اللى ماتت او من هروبنا من المسئولية واننا مش عايزين نتعب فى الدنيا اكتر من كده او ممكن ده نوع من الياس لان الناس شايفة المستقبل مظلم فياريت نفصل بين الرغبة فى الموت فى سبيل الله وبين الموت بسبب الياس او حب الموت كنوع من الياس

مين عدونا؟
انا شايفة ان العداوة كترت بين المصريين وبعض وبينهم وبين حكامهم وبينهم وبين العرب فهل ياترى هم دول اعداءنا؟وفين اعداءنا الحقيقيين؟ ياريت ماننساش ان اسرائيل هى اهم اعداءنا واننا ممكن نسامح بعض لكن اسرائيل لا