[د/نداء الجنة المصرية]

المشاركة الأصلية كتبت بواسطة dr.mohamed taha

موافقك جداً في مسألة الدعاء وفعلاً لازم يكون من باب النية الصادقة فعلاً وربنا كمان أمرنا بالدعاء بإلحاح وفي مواقف وقصص كتيير جداً تبين الإلحاح في الدعاء

الطفولة دي بئه حاجه من اتنين
يا إما نعتبرها مرحلة ... وبكده مش هترجع تاني نهائياً لأن المرحلة ليها بداية ونهاية وبالتالي انسي الطفولة عند سن معين
أو
تكون شعور والشعور مستمر ومتجدد وقد يُترك ولكنه يتجدد كلما إحتاج له الإنسان فبكده الطفولة مستمرة معانا وقلة الادب من الأطفال ترجع للشارع والأسرة فقط لاغير

الأخلاق الحمد لله موجوده بدرجات متفاوتة عند الناس ويارب يصلح أحوالنا جميعاً

السياسة بئه ................. اذا كنا احنا الشعب , يبقى مش هنفهم ف السياسة ؟؟؟
دا المصريين بسم الله ماشاء الله يتكلموا ف اي حاجه الا العلم
سياسة ماشي دين ماشي رياضة ماشي وو ماشي

موضوعك جميل و يحمل الكثير من المعاني
شكراً على الموضوع يا سارة

هى الطفولة دى انا بس ساعات بابقى نفسى ارجع لها لانى كنت واخدة الدنيا جد وانا صغيرة زيادة عن اللزوم وعشان كده كنت بارفض اللعب وبقول انه دوشة على الفاضى ومافيش فايدة منه لكن دلوقت ساعات بيبقى نفسى ارجع طفلة والعب بدل المشئولية يمكن زى مابيقولوا فى الامثال(الممنوع مرغوب) بس بجد الاطفال حاليا احوالهم مش مبشرة ومستحيل تكون العقول دى اللى هاتبنى مستقبل بلدنا طب احنا كنا غلابة واحنا اطفال وطلعنا عندنا عقد نفسية لدرجة ان فى ناس شايفين ان جيل التسعينات ده كله معقد بدليل ان كل الشباب عايز يسافر بره طب الاطفال اللى ماعندهاش براءة وانا بخاف منهم من دلوقت هيبقوا عاملين ازاى لما يكبروا؟

اما السياسة فهى علم وكذلك الرياضة وكل الحاجات دى لكن ده لازم يكون بمقدار يعنى كل واحد ليه تخصصه يبقى عنده فكرة بكل العلوم لكن تركيزه الاساسى يكون على تخصصه