[هالة محمد 2]

المشاركة الأصلية كتبت بواسطة سارة ماكس

استهدوا بالله ياجماعة كله هيعدى بس بلاش تبقوا حاطين فى دماغكم ان التعليم هينتهى بيكم عند مرحلة معينة لازم تعملوا حسابكم ان كل سنة هيزيد مستوى التعليم وهنلاقى حاجات اصعب عشان نعيش طول عمرنا نجمع علم

8- قمة الهدوء انك تقرا كتاب انت مش فاهمة قمة الهبل انك تقلب الصفحة وقمة التناحة انك تمتحن فية وقمة النفاق انك تدعى للدكتور الى كاتبة تمام دى بتحصل كتير اوى على فكرة بس للاسف لاننا بنقرا ونمتحن وخلصنا ولابنفتكر خدنا ايه عشان بنذاكر عشان نعدى وخلاص

بس بجد جميلة ودمها خفيف

اما بالنسبة للامتحان فانا احيانا بتحصل لى حالة غريبة وهو ده اللى مخوفنى انا ساعات بانسى الوقت واقعد احل بهدوء لحد مالاقى الوقت نط وانا لسه بابدا يعنى الناس كلها متعصبة ومستعجلة وانا اعصابى فى تلاجة لدرجة ان نص الوقت عدى فى العربى السنة اللى فاتت وانا لسه بكتب التعبير عشان بكتب بالتشكيل رواقة بقى وحليت القراءة والنصوص والادب والبلاغة والنحو فى نص ساعة بس عشان ارجع اكمل التعبير وطبعا لما خلصت كانت ايديا وجعتنى على الاخر وباقى تلت ساعة قلت والله ماهراجع ونمت الشوية اللى فاضلين انا كل ماافتكر افضل اضحك على نفسى

والله طيب دينى شوية دا انا بسيب التعبير فى الاخر
او اكتب نص صفحة واسيبة للاخر بس بعد كدا ابدا فى الباقى واكون عايزة اخلص بسرعة علشان الوقت وبكون عايزة اختسر فى الاجابة كمان علشان الحق بحس ان الوقت هيعدى بسرعة
ربنا يستر السنة دى