[Dr..Soha]

المشاركة الأصلية كتبت بواسطة خالد مصطفـى

السلامَ عليكم

إزيكم ؟


أنا عايز منم طلب ونصيحه :-

الطلب هو :- عايزكم تدعولي بالهداية والتوفيق ف الدراسه بصدق وبظهر الغيب مآشي , عارف أغلب الناس مش هتدعيلي بس أهل الخير موجودين إن شاء الله .

النصيحه هي :- كلمات الإنجلش والفرنش ف الدرس الواحد كتيييير و بيتحفظوا بصعوبة وبتنسوا بسهوله يااااه شفتوا الدنيا غدارة إزاي
المهم يععني أعمل إيه عشان يثبتوا , وإزاي أعرف إنهم ثبتوا لما آجي أحفظهم , يعنني أكررهم كم مرة ومش حد يقولي حطهم ف جملة لأني مش أعرف أكوًن جمل ؟

جزاكم الله خيراً =)

ليه ياخالد فى ناس مش هتدعيلك كلنا بندعى لبعض وربنا هيكرمك باذن الله
بص ياسيدى اولا انا بلوم عليك انك محفظتهاش كويس اووووى من الاول ثانيا بما اننا بنلعب فى الوقت الضايع فنصيحتى فى الوقت ده هو انك تكتب مثلا كلمات الوحدة تحريرى كتير اكتر من مرة وفى الوحدة اللى بعدها كذلك وبعدين هترجع بعد متخلص الوحدة التانية مثلا تجيب الوحدتين مع بعض او عالاقل الكلمات اللى حاسس انك بتنساها من الوحدة اللى فاتت بتكون معلم عليها وبتكتبها تحريرى مع كلمات الوحدة الجديدة ز اتمنى اكون افدتك. بالتوفيق.