من مشاركات الأعضاء : أحمد بلما
قال أحدهم : اه يعني انت عاوز تفهمني ان امريكا و ...المجلس العسكري و لجنة انتخابات الرئاسة و الخارجية ...الخ كل دول متآمرين علي ابو اسماعيل و هدفهم اسقاطه ؟؟؟ ليه ان شاء الله ؟؟ علي ايه يعني ؟؟
لا متاخدش في بالك يا ريس ، دا الموضوع كله يادوب علي رئاسة مصر ، حاجة متستاهلش الهيلمان ده كله يقف عشان الراجل ده ميعديش فعلا
مشكلة النوعية دي من الناس انهم فاكرين ابو اسماعيل هو امتداد لفكر الاخوان و السلفيين في التعامل "الناعم" مع انظمة الفساد ، او انه زي باقي مرشحي الرئاسة اللي هدفهم استرضاء البر و الفاجر من خلق الله في سبيل انه يوصل للكرسي ، او انه اخره في مسألة تطبيق الشريعة هو مبادئها العريضة المشتركة مع سائر المناهج الوضعية
معلش ، ليهم حق ينظروا للرجل بمثل هذا الاستخفاف ، ماهو العيب مش فيهم ، العيب في التيار اللي توالي عليه الهوان الفظيع ده طوال تلك الفترة الماضية لغاية ما خلي مافيش امل عند احد ان يطلع منه واحد ربنا يحيي علي ايده قوة هذا التيار و تمكينه ...الله المستعان
|