بوستر الغلابة
صاصا الميكانيكى ابن دمنهوريؤيد سليمان
وينتقد بجرأة المستشار المخضرم و سلطان
وكمان شوفوا الغرور بينتقد جماعة الإخوان!
لأ ياصاصا لأ
لأ مالكش حق
إنت ابن مين فى مصر علشان تقول رأيك وبهذه الجرأة ؟
مؤهلاتك إيه أيها الميكانيكى الصعلوك لكى تنتقد أسيادك ؟
وبعدين ياراجل إختار صح
مشّى مع التيار تكسب !!
يعنى إنت لوكنت مع أى (----وووووووووووون)
كنت زمانك دلوقتى صورك ماليه الشوارع
تحت عنوان ( فتح من الله ونصر قريب )
وكنت هتبقى مثال مشرّف للبسطاء فى مصر
ياخسارة عليكى يابلدى
الغلبان هيفضل غلبان طول عمره
ولا أمل له حتى أنه يقول رأيه
بلد شهادات صحيح !!
مع إن الميكانيكى مهندس بس من منازلهم
والناس بتقف أمامه طوابير والكل بيشترى وده
لكن عند البعض مش من حقه يقول رأيه
لوتذكرنا جيدا ماكان يحدث قبل الإنتخابات البرلمانية
من سخرية القلة من الشعب فكان الرد القاسى لهم من الشعب فى الصناديق
للأسف ماتفعله الأن الأغلبية صورة طبق الأصل
سياسة لوى الذراع بالمليونيات -
الصوت العالى
- حرمان الناس من حقهم الشرعى فى التعبير عن أرائهم
بعد هذا لاتلوموا إلا أنفسكم أيها الأغلبية المغرورة و10%من جملة القوة الانتخابية
وإن كنت ناسى أفكرك وصناديق الشورى تُخبرك
وإوعى حد يتخيل إن فيه سلفى أو إخوانى لم يدلى بصوته فى الشورى -
دول شغالين بالريموت ولايجرأ أحد على التخلف !
يعنى ياريت نفوق قبل الأوان بس نفوق صح
تحت مظلة لافرق بين عربى أوعجمى إلا بالتقوى -
والتقوى ملك الرحمن
فما بالكم بأبناء أمة واحدة ومصير واحد
وربك رب قلوب ولاينظر للشهادات والمؤهلات
فما بال بلال يقود جيشا ويؤمهم فى صلاتهم وعباداتهم وجهادهم
ومابال المصطفى دليلنا الهادى الأمين يحسن لجاره المؤذى إلى أن سارع وانضم لصفوف المهتدين
ومااعترض أحد على حكم العدل مع أن الحكم كان لصالح أحد المشركين
وماكان الفارسى من مجلس شورى ليأخذ بمشورته ويفضل على رأى الصحابة والقادة الفاتحين
أليس هذا هو الدين يامؤمنين ؟؟؟؟؟؟؟؟؟
الحكمة والموعظة الحسنة
وليست الجمهرة وفرض الرأى والسيطرة
فمصر بلدنا لم ولن تغلق أبوابها بأمر من كرمها
ولن تغرب شمسها والدين منذ الفجر دليلها وعنوانها
مادامت الذكرى صارت لهدف السيطرة على السلطة والسلطان
فلسنا فى حاجة لمن يذكرنا بماهو ساكن فى الكيان والوجدان
لنا الله إنه أحكم الحاكمين ورب العرش العظيم
__________________
الحمد لله
|