[TheMobiler]

المشاركة الأصلية كتبت بواسطة حسونة بيه

شوية كدة وصلاة الظهر هتاذن هدعيلك لو فى علمى رياضة تبقى مهندس طيران عشان ده حلم حياتى حلال عليك ياعم عشان انته راجل طيب ومحترم ولو فى علمى علوم تبقى احسن دكتور فى الدنيا بس سورى انا بتعقد من الدكاترة معلش
بس انا مش عارف ليه خايف وبحس انى مفيش وقت وباحبط وبحز فى نفسى انا مبنمش والله عمال بلوم بلوم بلوم بلوم فى نفسى والله انا قصرت بينك وبينك زهقت من اللوم قولت اشتغل شوية وارضى ربنا فبقيت اصلى واهو بذاكر وربنا يستر

هههه .. ربنا يخليك , بس أنا علمى رياضة وعايز أدخل ( حاسبات ومعلومات عين شمس ) إن شاء الله

ادعيلى اشتغل فى ميكروسوفت بقى

بص يا حسونة والله أنا كنت كدة السنة اللى فاتت والسنة دى برضة عملت نفس الغلطة وبسيب نفسى مش جاد أوى طول السنة وأجى أشد فى الاخر !

ودة مش وحش أوى على فكرة بالعكس .. لأن في ناس بتبقى جد طول السنة وتيجى تتعب وتكسل دلوقتى وتريح خالص وتنسى على الامتحان لقدر الله !!

فأحنا لازم منفكرش خالص فى الامتحان وميعاده ! احنا نعمل اللى علينا والباقى على ربنا , ولو فى ناس خلصوا المنهج , وماله احنا هنخلصه برضه وهنحل عليه كتير ونتفوق كمان

والشهرين إلا شوية اللى باقيين دول فترة مرتاحة مش قليلة اننا نلم المنهج ونحل عليها كتير جداً ! وخاصة تانية ثانوي .. ( منهجك صغير أوى يا حسونة والله )

بس أهم حاجة نعملها الصلاة والدعاء ثم المذاكرة طبعاً

وربنا معانا ..