قالك ايه قاللك آه
قالك مصر خلاص مش راكعة
بس الظاهر نسيت ركعة
حتي شيوخ الكرسي اجازو
ممكن ركعة كمان لو عازو
... بعديها هنسجد لله
قالك ايه قالك آه
قالك بكرة هنعمل طفرة
لما نبطل لغة الكفرة
نلغي الدش كمان ابو شفرة
مش هنخالف شرع الله
قالك ايه قالك آه
قالك لجنة ولجنة كمان
استكفينا يا خلق لجان
ولا اي حقايق بتبان
والموضوع جايز ننساه
قالك ايه قالك آه
قالك ان الصبر جميل
واحنا خلاص هنشد الحيل
بكره هييجي رئيس تفصيل
متوافق من خلق الله
قالك ايه قالك أه