ههههههههه فكرتك جميلة اوي يا يويا
شوفي يا ستي
انا لما اتذكر اني بكتب شعر ومحتفظة بيه وعندي مدونة بتذكر دور ناس مهم جدا ومش هنسالهم الجميل دا هم اللي عودوني اني انشر شعري واقوله
لأني قبلها كنت بكتب الشعر ومش بهتم حتى احتفظ بيه معايا كان بيضيع
المهم اول قصيدة كتبتها واحتفظت بيها كنت زعلانة من اصحابي وحاسة اني لوحدي فكتبت الاربع ابيات دول
حين وجدت الراحة في بكائي .. ولت عيناي عن النداء
أخفيت بقلبي جراحا .. وابتسمت بوجه أعزائي
ليس لي من أشكوه همي .. فالوحدة اخلص أصدقائي
ما بال قلبي للحزن سكنا .. بك أستجير رب السماء
كنت في بداية تانية ثانوي
بس كتبتها وكنت كالعادة هسيبها لحد ما تضيع بس كان فيه منتدى عاملينه زمايل أختى في طب اسنان
كان فيهم دكتور اسلام أول واحد ينشر الشعر بتاعه في المنتدى وملقب نفسه امير الشعراء
كانت سارة معجبة جدا باسلوبه وشعره قمت انا دخلت اديته نقد تمام وبعدين وريت لسارة الابيات اللي كتبتها عجبتها وقالتلي اكملها وانشرها عندهم
ومن ساعتها بقيت اهتم أوي بكتابتي لأني عارفة انها هتواجه نقد شديد من كل الاعضاء زي مانا بكتب نقد ليهم وكدا
وبقى تنافس شعري جامد جدا ونقد بناء جدا
مفيش حد يكتب رد مشكور أو جميل كان كل الدكاترة بيدخلو ينقدوا ويقولو الجزئية دي جميلة الجزئية دي فيها غلط وهكذا
يعني كان تشجيع جامد ونقد صادق
أذكر مرة شديت جامد مع دكتور اسلام والتنافس وصل القمة
لدرجة بعض الدكاترة الموقعاتية كانوا عاوزينا نبقى جرير وفرزدق
ورغم دا بجد انا اعترف انه له فضل عليا من عند ربنا وانه فعلا شعره متميز
بجد كانت ايام جميلة طورت من كتاباتي
بث كدا
سوري على الرغي الكتير انتي اللي طلبتي
وبجد التوبيك فكرته جميلة اوي تسلم ايدك
جزاكِ الله خيرا 
آخر تعديل بواسطة LoOoLy El Treikawya ، 18-04-2012 الساعة 02:34 PM
|