[mmagdy_81]

السلام عليكم ورحمه الله وبركاته

الاخوه والاحباء والاصدقاء المعلمين والمعلمين المساعدين الذى تم تعينهم واخوانابالمكافاءه الشامله اللى ان شاء الله سوف يتم تعينهم .بخصوص موضوع تغيير المسمى الوظيفى ياجماعه الخير ارجوكم افهمونى ده ابسط حقوقنا ومش محتاج لاتعب ولا جرى ولا كل الكلام ده من وجهه نرى المحدوده ..


اخوانا الافاضل اللى راحوا الوزاره واتهبدلوا وحصلوا على تغيير المسمى لهم الفضل بعد الله فى حصول كل واحد منا على حقه فى تغيير المسمى ,والموضوع انتهى عند ذلك وخلاص .

اما شغل الاكاديميه والوزاره والخرف ده واسلوب لوى الذراع اللى متبعينوا معانا من ايام ماكنا متعاقدين فده انتهى ولازم يعرفوا ان مبارك مبقاش رئيس مصر وان الموضوع لو مشى بالطريقه ده يبقى هم اللى عايزين البهدله لان ده ابسط حق لينا مش يبقى التعليم الاعدادى والثانوى ملىء بالمؤهلات المتوسطه والفوق متوسطه ودبلوم المعلمين والمؤهلات العليا تترمى فى التعليم الابتدائى مع احترامى للكل ,لكن من الطبيعى ان كل معلم يتسكن حسب مؤهله وفى المكان اللى يناسبه حسب التخصص ده الطبيعى واللى كان لازم يتنفذ انما علشان الظلم اللى كنا فيه فكان كل واحد منا راضى بنصيبه ,انما البلد حصل فيها تغيير ولو نسبى نحن لم نطالب ولم نحصل على حق غيرنا فهذا ابسط حقوقنا

وانا عايز اطمنكم انه لا يستطيع الوزير نفسه ولا مدير الاكاديميه ولا اى حد انه يلعب بمستقبلنا ولا باى شىء لان احنا ببساطه خلاص مش هنقبل باى اهانه لاى فرد منا واللى مش عاجبه يخبط دماغه فى الحيط احنا شفنا ذل محدش شافه ماديا ومعنويا ونفسيا وكله كان بيدوس علينا دون رحمه .ودلوقت بيقولوا مينفعش نغير المسمى او لازم تعمل كذا وكذا

خلى كل واحد يقول اللى عايزه نحن حصلنا على قرار من الوزير وتم تنفيذه فى معظم المحافظات وفعلا اشتغلنا فى المرحله الاعداديه والثانويه واخلينامن التعليم الابتدائى ومحدش يقدر يلعب بينا تانى صدقونى نحن اصحاب حق

ياجماعه ......
ده التظلمات رجعت دون اى قيد او شرط ودون اى سند قانونى يبقى احنا اللى غيرنا واشتغلنا فى المراحل ده ومعانا كل الورق اللى يثبت حقنا نخاف دول ماكنش المفروض يتسمع لهم اصلا صدقونى والراجل فيهم كان يحاول يرجع حد مرحله تانيه غير اللى هو غير عليها صدقنى البلد مش مستحمله اى شىء وهم ميقدروش يعملوا حاجه والله الناس نفسها ماطايقه اى ظلم واللى هيتكلم هيضرب بالجزه هم جايين يحكوا فينا دلوقت دااحنا اكتر ناس اتظلمت وحتى ضم المده مش نفعين فيها وخلاص الناس طفحته .وبعدين هم كانوا فين الاكاديميه والوزاره لم صدر قرار تغيير المسمى لسه فاكرين ان التغيير كان خاطىء واننا لازم نحصل على شهاده صلاحيه ,انا اسف ده شغل عالم بتستهبل ,طيب كان يتجرا كده الوزير ويقول انى مش هعين التظلمات او حتى ال 5 فى الميه علشان كانت البلد تولع ,الناس ده مش عايزه كده,احنا غيرنا وخلاص وانتهت وانا اسف انكم غلطانين انكم فتحتوا الموضوع وسعيتوا ليه لان البلد ماشيه بلى الذراع مش بالتفاهم والعقل.

هاتلى اى قرار دلوقت بيتنفذ طبقا للقانون هم اللى غلطوا مش احنا . احنا جبنا قرار وفعلناه وغيرنا المسمى والليله خلصت وصدقنى دول بيسوقوا فيها لو حسوا اننا مش قدرين ناخد موقف معاهم.


مشكلتنا الرئيسيه دلوقت واللى لازم نوفر ليها كل الجهد هو ضم المده طبقا للقانون هو ده اللى لازم نتكلم فيه دلوقت احنا ربنا انعم علينا بتغيير المسمى والحمد لله وكل واحد يحق ليه طبقا لقرار الوزير . انما دلوقت لازم نفكر بجد فى ضم المده لاستكمال الطريق فى الحصول على باقى الحقوق .

مجلس الشعب بعد تطبيق الحد الادنى والاقصى واعتماده اكيد سوف يلغى قانون الكادر !!!!!!
يعنى الموضوع منهى وخليهم ياكلوا فى نفسهم ويستكتروا علينا الخير ,وان شاء الله الضربه الكبرى فى ضم المده ان شاء الله


ارجو ان اكون وفقت فى التعبير عن راى ................وشكرا