[أ/رضا عطيه]

المشاركة الأصلية كتبت بواسطة ميرفت صالح

الحكومة لا تريد أن تنفذ الطلبات التي يتقدم بها نواب الشعب
( هى فيه أوامر شفوية ولا قوانين - كم قانون خرج من البرلمان يهم جموع الشعب ؟)
لعلك أستاذي تعلم جيدا أن شعبنا الفاضل لا يحتاج كثيرا لقوانين قدر حاجته لخدمات فهل جمع القمامة من الشوارع يحتاج قانون ؟؟ و هل منع سرقة كابلات التليفونات يحتاج قانون؟؟ أم هي خدمات يجب على الحكومة القيام بها ده على سبيل المثال يعني... إنما الحقيقة أنها لا تريد أن تفعل ليه؟ و ده طبعا علشان الشعب يكفر بثورته و بنوابه الذين إختارهم ....و هذا يدل على عدم احترام الحكومة للشعب ....
( تصدقى رغم بعض التقصير ولكنها المؤسسة الوحيدة التى تعمل الأن فى البلد )
حضرتك بتقول بعض التقصير ؟ ده هي مافيش مجال هي مش مقصرة فيه ألم تسمع عن أزمة الوقود؟ ولا إنت مش عايش في مصر ؟دي حكومة فشلت في كل حاجة

و ليقولوا للشعب هؤلاء الإسلاميين لا يستطيعون أن يقدموا لكم شيئا و عليكم أن تقبلوا بالحزب الوطني و مبارك و فلوله
( ماتخلونا فى الواقع وبلاش كلام التهويل ده - ليه هيرجعوا لنا من باب المطبخ ولا إيه ؟
لا و إنت الصادق هيرجعوا لنا بوابة المجلس العسكري و الأمن الوطني
دى ثورة مش مهلبية طبعا ثورة بس المهم إن الحاكم يعتبرها ثورة مش إنقلاب وياريت الإسلاميين يشعروا الناس بيها بالعمل وليس مجرد وعود
لا و الله نشهدلهم بالحق هم فعلا بيعملوا و عملهم خالص لله ،حزب الحرية و العدالة عندنا عامل شغل رائع استطاعوا أن يحلوا عندنا مشكلة الأنابيب طبعا باللجان الشعبية لأن الحكومة متقاعسة كالعادة و دلوقتي أصبح عندنا فائض في الأنابيب هل تصدق إن العربيات بتدور عندنا على حد ياخد أنبوبة ؟ كتر خيرهم وفروا علينا التعب في الطوابير ، وكمان خلصونا من تجار السوق السوداء

و من هنا كان على نواب المجلس أن يتخذوا إجراء تجاه هذا التقاعس الحكومي و هو العودة للميدان للمطالبة بإقالة الحكومة التي لا يريد الجلس العسكري إقالتها ( لأن الهدف هو أن فصيل معين يريد السيطرة على كل شىء وترجع ريما لعادتها القديمة وكأنك يا أبو زيد ماغزيت )
فرق كبير بين حزب يتولى السلطة بإنتخابات مزورة وحزب يأتي بإنتخابات نزيهة .. ثم إن المقتنع بالديمقراطية لا بد أن يحترم قواعدها
هل سمعت أن الحزب الجمهوري الأمريكي تنازل عن جزء من سلطاته للحزب الديمقراطي بعد أن نجح في الإنتخابات ؟ طبعا لا لأن هي دي الديمقراطية
و لا ندري لماذا ؟؟؟ ـ
(لماذا لأن الطمع بيقل ماجمع والدستور أولى بالاهتمام - فهل لديهم أى نية لفتح مجال لكل طوائف الشعب ليشاركوا فيه ؟
هذا ماننتظره فى الأيام القادمة )

عندنا فائض في الأنابيب هل تصدق إن العربيات بتدور عندنا على حد ياخد أنبوبة ؟ كتر خيرهم وفروا علينا التعب في الطوابير ، وكمان خلصونا من تجار السوق السوداء

جالك كلامى علشانك وفروا الأنابيب وبزيادة
لكن علشانى مش لاقيين ريحتها
ياترى ليه؟
يمكن علشان اللجان الشعبية عندكم إخوان واللى عندنا سلفيين ؟
يمكن
وأما بنعمة ربك فحدث
لكن بصوت خفيض حتى لايسمعك من هم الأن فى طوابير الأنابيب فى البلاد الغير محظوظة
وربنا الأنبوبة بقى لها 4أيام ماجات لسه
يمكن راحوا يغيروها من عندكم؟
الله أعلم
وياريت العربيات اللى مش لاقية حد ياخد منها أنابيب عندكم تعطيهم العنوان ده لوجه الله

( الشون - المحلة الكبرى - محافظة الغربية - مصر )

وربنا احنا مصريين زيكم أبا وجدا

شكرا جزيلا