الزام الطالب بالحضور للمدرسه عن طريق الدرجات فقط مشروع فاشل
لابد من اعادة هيكله لليوم الدراسي ازاي طالب في الثانويه العامه يروح مدرسه يحضر حصة رياضيات مثلا ساعه الا ربع طبعا مده غير كافيه للتحصيل الجيد و ملتزم بشئ اسمه كتاب المدرسه و الدليل فقط..
ثانيا حصص المجالات بعض الطلاب بل اكثرهم بيعتبرها ملهاش لزمه و مضيعه للوقت فمينفعش اجبر الطالب علي حضورها و مش بالعافيه الحضور لان الطالب في الثانوي وقته ثمين
و خمس دقايق بين كل حصه و التانيه و فسحه ثلث ساعه طبعا مضيعه للوقت
من رأيي تخصيص يومين او ثلاث ايام دراسيه تضم 3 حصص يوميه للمواد الاساسيه فقط و الاياه الاخري تخصص للمجالات و يحق للطالب حضور حصص المجالات اختياريا و طبعا المعظم مش هيحضر لكن لازم نفيد الطالب و نقدم له اللي في صالحه مش نرهقه بيوم دراسي ممل و طويل و نفرض عليه درجات تلزمه بالحضور و نعرضه لمدرس ممكن يظلمه و يستغل هذه الدرجات..
يعني من الاخر لازم يعيش في المدرسه جو الدرس الخصوصي..
اكيد في الحاله دي هنلاقي طلبه بتقبل علي المدارس الثانويه
طبعا دي فكره بسيطه و جزء من افكار كتير منها ان يبقي في اسلوب معين للتقويم يعني مثلا يكون للحضور و السلوك 4 درجات فقط بحيث ميتاثرش مستقبل الطالب بدرجه كبيره لو تعرض لمدرس ظالم
|