دكتور محمد على يوسف :
إيه اللى وداهم عند مجلس الوزراء ؟؟
إيه اللى وداهم عند محمد محمود ؟؟
إيه اللى وداهم العباسية ؟؟
إيه اللى وداهم أسهل حاجة تقدر تقولها عشان تغض الطرف و تنام مرتاح الضمير و إخوان لك ما " وداهم " هناك إلا المطالبة بحقك فى عيش كريم
إيه اللى وداهم نفس السؤال اللى لو كان اتسأل أيام التحرير بنفس الكثافة ما اظنش كان المخلوع اتخلع و لا موافى اتحبس و لا عز اتذل و لا العادلى بقى سوابق و إن شاء الله يتعدم
إيه اللى وداهم ؟؟
ممكن أصف لك عشرات الإجابات و أسترجع معك الكثير من العلل طوال خمسة عشر شهرا من عمر ثورتنا
و قد لا تقنعك أى إجابة مما أقول او يقوله المعتصمون و قد لا ترضيك أى علة يتعللون بها لكن لا تجعل السؤال نفسه علة لرضاك بما يحدث لهم من اعداء أو سببا لسكوتك على ما يصيبهم من ظلم
|