[bahaaeldeen]

المشاركة الأصلية كتبت بواسطة عمررررر

انا محتار بين كليه التجارة ووفنون جميلة قسم ديكور
ممكن أعرف نظام الدراسة في فنون جميلة ديكور ومجالها ايه وهل مجالها مطلوب في مصر يعني شغلها كويس ومرتباتها كويسة ولا إيه

قسم ديكور من ارقى الاقسام
وهقولك دليل واحد
تجارة بتخرج بالالاف كل سنة وشغلها بوسايط كلها وفيه كليات كتير اوى اوى تجارة

فنون جميلة 4 كليات وقسم الديكور بياخد اكتر عدد 100 طالب بس وبيقل عن كدة بكتير كمان
بالنسبة لمجال الشغل انت اكيد عرفته
عندنا واحد جايب مقبول فى السنين كلها سافر باريس وشغال فى الديكور
ومش هقولك مرتبات الديكور كام
مفيش خريج ديكور بيعانى على فكرة
وخصوصا انت ولد بتروح وتيجى وهنا وهناك
وبعدين شغل ديكور بتدرس فى الكلية عمارة كلها وفنون كلها يعنى ماسك ونجين وتقدر تشتغل فى اى حاجة
حتى لو عمل فنى او هندسى
تقدر تشتغل مهندس معمارى وديكور ومصمم جرافيك وعامل دعايا واعلان
فيه قسمين جوة ديكور قسم عمارة داخلية وفنون تعبيرية وفنون تعبيرية اللى هى تاهلك تكون مصمم ازياء او ديكور مسارح وسينما وتليفزيون
وعمارة داخلية بتمسك جانب هندسى اوى اوى
والكلام كتيير يا عمرو اوى اوى بجد لو دخلت ديكور مش هتندم ولا هتخسر فى يوم حاجة
لازم تكون حاببها علشان تقدر تبقى ممتاز فيها
وياريت تقرا الكتاب بتاع دليل الطالب فيه كلام اكتر اكتر
اشكرك وربنا يوفقك