اقتباس:
المشاركة الأصلية كتبت بواسطة babagamil
مش فاهم اشمعنى فى الاحياء نحل كله والعربى مش كله ممكن توضح
|
العربى الى بيصحح سؤال القراءة واحد مثلاً و سؤال النصوص واحد مثلاً و هكذا
يعنى هو مطالب بتصحيح سؤال
لاحظ أن ورائه مليون ورقة .. ممكن يشطبلك على السؤال التانى كله و ياخد الأول توفيراً للوقت
و النقطة التانى إن العربى مفيش وقت خالص تحل الاختيارى .. هايضيعلك وقتك و مش زى ما انت ممكن تكون فاكر إنه هاياخد الأعلى .. ممكن مايعملهاش .. مدرس العربى أكدلى كدة السنة دى
فى الأحياء كل مدرس بيصحح سؤال من الـ 6 أسئلة .. لازم كله هايتصحح .. بعدين ييجى واحد يجمعلك أكبر خمسة منهم و يديلك أعلى درجة .. يعنى انت ضامن إن كله هايتصحح إجبارى .. و لازم هايختارلك أعلى خمسة
إنما العربى هو مدرس الى بيصحح سؤال النصوص و واحد تعبير و واحد قراءة و واحد أدب و بلاغة و كدة .. فهو بنسبة 90 % مش فاضى يقرألك السؤالين .. هو عايز سؤال واحد
تانى حاجة الـ 6 أسئلة بتوع الأحياء ممكن تحل الـ 6 أسئلة ممكن تحلهم فى ساعتين بإذن الله أو ساعتين إلا ربع .. يعنى بيفضلك وقت مش وحش للمراجعة .. لاحظ أن العربى فيه تعبير و دة لازمله وقت
إنما أوعى مثلاً تلاقى سؤال من الخمسة مثلاً فيه سؤال صعب تروح سايبه و تشوف سؤال تانى يقفلك الخمسة .. ممكن السؤال الصعب دة ممكن يكون عليه درجة أو نصف درجة بس .. وتروح تسيبه و تغلط فى سؤال تانى بدرجتين ثلاثة ! انت تحل كله و تبقى تييجى زى ما تييجى