[mostafa_gamal2]

راى بعض الاشخاص ممن تقدموا للاختبارات..

السلام عليكم ورحمة الله وبركاتة
بصوا يا جماعة انا قرات موضوع هنا بتسال عن الاعلان تابع السلك الدبلوماسى فانا حبيت افيد كا بنت نفسها تعرف اكتر عن الموضوع دة لانى اديت الاختبارات فى اكتوبر اللى فات انا مش هطول وهبدا اجاوب على اى سؤال يخطر ببالكم
هى الامتحانات صعبة؟؟؟
بصوا بقى الامتحانات مش مستحيلة بس محتاجة شخص مزاكر كويس جدا جدا يعنى انتى مفروض تكونى متابعة كل حدث دولى حواليكى بالتفصيل مثلا ازمة دول اليورو الثورات العربية كلة بالتفاصيل دة بالنسبة للثقافة
طب بالنسبة للكتب انا هزاكر منين؟
لازم يبقى معاكى كتب القانون الدولى بتاعة طالب حقوق فى سنة 1 و 2 ضرورى لان فى مادة اسمها القانون الدولى هتمتحنيها الكتب دى تتزاكر تمام
طيب وباقى المواد اعمل ايييييييييية؟
اول مادة بتبقى للغات انا مثلا لغة اولى انحليزى لغة تانية فرنساوى تمام طب لو واحدة بتحب الايطالى او الالسبانى ولا العبرى ولا اليبانى او الروسى او اى لغة تانية ومالة المهم اللغة الاولى تكون انجلش او فرنش واللغة التانية على حسب اختيارك
وخلى بالك اللغة الاولى هتكتبى موضوع مش اقل من 30 سطر وهترجمى
اللغة التانية هترجمى بس
طب والعربى مافيش؟؟
لا طبعا فية عربى فى 2 رواية هتختارى واحدة وكمان موضوع هتكتبى فية
طيب فى مادة اسمها مصر وافريقيا والوطن العربى ؟
دى بتقيس بقى قدراتك على متابعة الاحداث سياسىة يعنى وعايزة قراءة ومتابعة جيدة للاخبار وياريت طبعا تشترى مجلة السياسة الدولية هى ع النت بس مش بتجيب كل المواضيع
نفس الكلام بالنسبة لامتحان العلاقات والمشكلات السياسية المعاصرة لازم متابعة وقراءة
وع فكرة يا جماعة انا استفد كتير جدا جدا من لامتحانات دى على الاقل بقيت اتابع وافهم اللى حواليا يعنى مش خسارة
بالنسبة للموهل اى مؤهل عالى بالنسبة للسن حد اقصى 27 سنة بس هى دى القصة بس الغملية مختاجة شغل جامد وفى ناس نجحت بعد 6 مرة تقديم شايفين الاصرار ناس عايزة تبقى سفراء بالعافية ههههه



..................................................


انا اعرف قصة مهمة وهي لسفير مصر في احد الدول الاوروبية حاليا وهذه القصة لنفي حكاية الواسطة تماما

السفير دا تقدم للامتحان ونجح وسالوه اسئلة عجيبة فالاخر وصعبة جدا تحتاج لملكات خاصة بس نجح من غير اي واسطة
وبعدين بنته دلوقت قدمت واترفضت وهي بنت سفير وهو موصي عليها
دا لانهم بيختارو ناس بدقة عالية ومواصفات خاصة
قد تكون تلك المواصفات فيك ولا تعلم او غالبا ليست فيك

الحكاية مش بواسطة ابدا دي مخابارات يعني لو مكنش اللي فيها متنقيين ع الفرازة يبقى مين اللي يبقو؟

الواسطة دي حجة فارغة

الصراحة حكاية الطبقة الاجتماعية انا معاهم فيها مع اني من الطبقة الوسطى ... بس فكرو زيهم دول بيختارو وجوه مصر وممثليها فليس غريب ان يختارو من هم من طبقة اجتماعية محترمة بل ومحتلرمة جدا

يعني من الاخر اي شخص شايف نفسه فيه ملكات ومميز ذهنيا واجتماعيا وفكريا ومتفائل كمان يتقدم ويتوكل على الله لان برضو الحكاية فيها خبرة وهيكتسب مهارات وثقافات حتى ولو لم ينجح وتذكر ان نسبة النجاح لا تتعدى ال 5 % عند اكبر المتفائلين