[Khaled Soliman]

http://www.youtube.com/watch?feature...&v=kFMADY4I8IE



خالد الشافعى ||

اكتر حتة أثرت فيا في شهادة نوارة نجم على الاعتصام وكدت ابكي وانا اقرأها ..

لما قالت :

ثم بصراحة الملتحون دول غلابة قوى ، كما إنهم قليلو الخبرة فى ما يخص المواجهات سواء مع البلطجية أو مع قوات الأمن أو الشرطة العسكرية ، فقد أخبرنى أحد شباب الثورة ضاحكا فى خضم المعركة : يا ستى شوفى الشيوخ دول .. ماسكين طوب قد البلى يحدفوه ، أقوله إيه يا عم الشيخ ده أنت فاكره رمى الجمرات ؟
قال لى أصل حرام الطوب الكبير بيعورهم احنا عايزينهم يمشوا ويسيبونا بس ..

انتهى كلامها

يااااه أد كده الدين بيفرق مع البني آدم يعني بتواجه واحد عاوز يموتك ومع ذلك خايف تقابل ربنا بدم حد
واحد عاوز يموتك والسيف على رقبتك ومش جايلك قلب تحدفه بطوبة كبيرة

تفتكري يا مصر الشاب اللي واخد باله من حجم الطوبة اللي بيحدف بيها البلطجي وبيختار طوبة صغيرة
تفتكري البني آدم ممكن يأذيكي أو يأذي حد من ولادك

يا مصر سلفي وبحبك واموت فيكي
وبعد عمر طويل عاوز اموت فيكي
وان يوم تحسي ببرد قلبي يدفيكي
وان يوم تحس بجوع عمري يكفيكي

أنا ابنك يا بنت النيل
كان حظي فيكي قليل
وصبرت صبر جميل
عشان اعيش فيكي