[مـــــلك]

يارب رحمتك
أنا تايهه في دنيتك
ضاقت خلاص الدنيا
ارحمني برحمتك
أنا عارفه أنك حاسسني
دايماً معايا في حزني
دايماً معايا في فرحي
بتمنى قربي منك
طمعانه في جنتك
يارب ياكريم
أرحمني برحمتك
مش هاشكي من اللي ظلمو والا خانو
فيوم وجرحوا
أنا عارفه انك شايفني
مكسوره بظلمهم
قويني يارب دايماً
وإلهمني الصبر دايماً
على كل شئ حاصلي
وانا ماشيه في دنيتك
قوتني كتير في جرحي
وفي حزني دايماً ياربي
حاسه أني مش لوحدي
وأزاي أكون لوحدي
وكل شئ حوليا
بيحمد نعمتك
شيفاك في كل حاجه
في الطير وفي والشجر
في الهوا وفي المطر
بيحمدك أنسان وبيحمدك الشجر
وانا عارفه برغم جرحي ووجعي
وكل تعبي
أنك يارب أخترت أحس بكل ده
علشان بتحبني
وفيه أختبرتني
وانا صابره على كل حاجه
ومصيبتي يعني أنك ،
يارب اخترتني
من وسط ناس كتير
عشان بتحبني
ومش خايفه من أي حاجه وأنا عايشه برحمتك
في حماك في دنيتك
" الحمد لله "
عن عبيد الله قال : سمعت الحسن ، يحدث عن أبي سعيد الخدري قال : أتى رجل النبي صلى الله عليه وسلم فقال : كبرت سني ، وسقم جسدي ، وذهب مالي ، فقال رسول الله صلى الله عليه وسلم : ( لا خير في جسد لا يبلى ، ولا خير في مال لا يرزأ منه إن الله إذا أحب عبدا ابتلاه ، وإذا ابتلاه صبره ) .