طب يا سيدى
اقول يعنى ؟؟؟
طيب
حاجة مخنوق بجد منها اوى اوى اوى اوى اوى
ليه الواحد اللى بيحب واحدة ميتجوزهاش ؟؟
اقصد يعنى ان الاهل ليه بيعقدوا المسائل
هى الحياة مش هتمشى يعنى من غير عفش من أسبانيا و 70 طقم كوبيات و حلل
ومهر 856423213351 الف دولار و حاجات زى كدة
هل هو ده الجواز بالنسبة لهم
انا مش عارف ليه الناس بس متتساهلش شوية مع الشباب
تلاقى الراجل مش قادر يجوز ابنه اصلا و بيتشرط على الشاب اللى جاى لبنته
طب ما الشاب ده زى ابنك و ظروفه زى ابنك
الاهل رموا الاخلاق و الدين و العلم و كل حاجة ممكن تقيس بيها شخصية البنى ادم
و بقوا دلوقتى كل همهم البت تلبس احسن من بنت عمتها اللى اتجوزت السنة اللى فاتت
و تسكن فى شقة اربع اوض مش تلاتة بتاع عريس بنت خالتها
و يجيلها دهب بخمسين الف جنية مش زى بنت اخت عمة خالتها من ام تانية اللى الدهب بتاعها كان بعشرين الف بس
الحقيقة انا مش فاهم الناس دى بتفكر ازاى
مع كامل احترامى ليهم
بس الوضع اتغير
ياريت تحسوا بينا
اسف للاطالة يا مان
و الكلام هون عليا بجد
|