[صوت العقل]

المشاركة الأصلية كتبت بواسطة ا/توفيق عزت

الاخت المحترمة
صوت العقل
مشرفـــة اداريـــــة
محرره بمجله "ثانويه" ومشرفه لقسمي خبر وتعليق وركن الأسرة
تكرهين الاخوان كرها شديدا و تذكرين ذلك دائما
فهل انت من سلف حازم ؟؟؟
ام انك من خلف ابوالفلول ؟؟؟
الحمد لله اننى كان لقبى الذى يدعوننى به زملائى و احبائى فى الحياة و فى المنتدى
العدو رقم 1 للحزن الوثنى

استاذى .. جزاكم الله خيرا ..
بالنسبة للخبر ..
انا فى اختيارى لتنزيل الخبر .. بكون محايدة .. ده خبر منشور وموجود ..
ووجه نظر معروضة .. ومن حق الجميع الاطلاع والتعليق ..

اما بالنسبة للاختيارات اللى حضرتك حددتها ..
اعرف حضرتك انى انتخبت حرية وعدالة فى انتخابات مجلس الشعب
والشورى .. لكن مش تقدر تنكر حضرتك ان اداء الاخوان كان غير متوقع
وانهم خيبوا امال البعض ومنهم انا .. كنت اتمنى تحقيق حاجات كتير
لكن لحد دلوقتى احنا محلك سر وده خلانى زى غيرى ابعد عن اختيار
الرئيس القادم من الاخوان .. واعتقد ان ده حقى استاذى ..
كمان استاذى انا لا احمل العداء او الكره للاخوان بدليل اختيارى لهم سابقا ..
واعتقد مبالغة من حضرتك انك شايفنى اكرهم .. انا اعبر عن رأيي بما يرضى
ضميرى ..
وطبعا لو حضرتك متابع هتلاقينى كنت ضد الحازمون ومش عمرى كنت هنتخب ابو اسماعيل
وقولتها كتير .. اما الفلول فاعتقد مش هيختارهم الا اصحاب المصالح والهاربون من التيار الاسلامى ولو نجح شخص منهم ( موسى او شفيق ) هيكون بسبب ما حدث من انقسامات
فى الاسلاميين واداء المجلس اللى معظمه على الورق فقط ..

لو حضرتك حابب تعرف انا تبع اى مرشح .. عادى .. مفيش مشاكل ..
احترم ابو الفتوح كثيرا واقتنع به واتمنى ان ارى مصر القوية معاه ..
وافكر حضرتك انه كان من الاخوان سابقا وانى بختار برضو تيار اسلامى
لكن متوازن ومعتدل من وجهة نظرى ويكفى انه مرشح مستقل ..

شكرا لتعليق حضرتك ..
تحياتى ..