[To Be Is To Do]

السلام عليكم ي جماعه

هل فى حاجه ف الدنيا تخليك تصغر قدام الناس ويبقى شكلك سئ للغايه ....؟

طبعا ... الدنيا مليانه حاجات تصغر من قيمتك قدام الناس ، وقدام نفسك أولا

ع سبيل المثال :

_ لما تقف ف الشارع تتعارك مع واحد عشان شئ تافه لايستحق تلك المشاجره ... الناس ح تقول عليك " غير حضارى ، وشخصيه منفره "

_ لما يخونك إللى بيحبك وإنت م عملتلهوش حاجه ويقولك " خيرها ف غيرها " وتلاقى نفسك لسه بتجرى وراه وإنت إللى تستسمحه عشان يسامحك ويرجعلك تانى ... الناس ح تقول عليك " دلدول ولا شخصيه له "

_ لما تلاقى نفسك بترد ع والديك كلمه ب كلمه ولا يستطيعون التحدث إليك ف أى شئ بسبب صوتك العالى إللى مسمع الدنيا ... جيرانك ح يقولوا عليك " إنسان مش محترم " وينفروا من الحديث معك بإدعاء " ده شوف بيكلم أبوه و أمه إزاى ... م حال إحنا ... ح يعمل معانا إيه ...؟ "

_ لما واحد يستأمنك ع حاجه وتقوله " عيب عليك سرك ف بير " وييجى يطلبها منك يلاقيها ناقصه ، ولو كان سر يلاقى أمه لا إله إلا الله عرفته ... ح يقول عليك " مش أمين ولا تصاحب " ويدعو الناس للبعد عنك

_ لما حد يحملك المسئوليه ف شئ وييجى يلاقيك لم تفعل شئ ... حيقول عليك " ليس أهل للمسؤليه بالمره " ولا يستطيع طلب أى شئ منك تانى

هل تستاهل كل السلوكيات دى إنك تصغر من قيمتك ف المجتمع وف نظر الناس ليك ....؟!

وترجع وتقول " أنا م أستهلش أصغر ، ليه الناس بتبصلى بتلك النظره .....؟ "
هذا لأنك لم تحترم نفسك فكيف تطلب إحترام الناس لك ....................؟!