لتوضيح المبدأ بعيدًا عن كل المعادلات
الضغط اللى هنحل بيه المسألة هنا اسمه الضغط المتوسط
و من اسمه أى حاجة تنفع تجيبلها متوسط هاته
انا عايز اجيب متوسط الضغط على النص العلوى
و هو سطح رأسى فنجيب الضغط عند نقطة نص ارتفاعه
و هنلاقيها تبعد عن السطح بمقدار ربع الارتفاع الكلى
بالنسبة للجانب السفلى فنقطة التأثير اللى هى مركز المساحة بتبعد عن سطح السائل 3 \ 4 من كل الارتفاع
بقية العوامل ثابتة يبقى نسبة الضغط تلات أربع : ربع == 3\1
للايضاح أكتر عشان أى مسائل من النوع ده
فى الحالات لما بنجيب الضغط لمساحة افقية فبنشتغل عادى و ميفرقش معانا الضغط هيأثر فين
لأن الضغط بيتساوى عند كل نقطة على المساحة
لكن فى حاجة رأسية و ليكن زى تعليلة السد العالى
فكل ما هتنزل تحت سطح السائل الضغط هيزيد على النقطة اللى على المساحة الرأسية
"""" للتنبيه السائل بيأثر بشكل عمودى على أى سطح بداخل السائل و المعلومة ده فى المنهج """""
نرجع لكلامنا الضغط دلوقت بيتغير طب لو طلب الضغط على كل السطح الرأسى ده تعمل ايه ؟؟؟
كل المطلوب تجيب الضغط عن نص ارتفاع المساحة الرأسية و عشان كده سميناها الضغط المتوسط
======
عارف إن الموضوع من أسبوع بس مكنتش فاضى أدخل المنتدى
عمومًا المعلومات ده المفترض تكونوا منتبهين ليه بشكل عام بغض النظر عن السؤال
و أرجو إن صاحبة الموضوع أو أى حد يكون استفاد
بالتوفيق ،،،،،،،
__________________
من السهل أن يكون لك مكان في دفتر عناوين أصدقائك
ولكن من الصعب أن تجد لك مكاناً في قلوبهم
|