متقولش مفيش وقت
الباب = 12 ساعة ( دة طبعا مينطبقش على العضوية )
العضوية تاخد معاك 3 ايام مرتاح او يومين مضغوط
الباب ممكن يتظبط فى يوم ( يوم كامل يكون معندكش دروس فية )
انا بعمل كدة وعلى فكرة انا فية ابواب ضايعة منى يعنى مش عارف عنها حاجة اصلا والحمد لله ادينى بحاول وربنا مش بيضيع تعب حد
انت المفروض تاخد باب باب وتحل الاسئلة بتاعت
تقويم ( كتاب المدرسة )
و دليل التقويم ( النماذج بتاعت الوزارة )
و امتحانات السنين اللى فاتت على كل باب
وتحاول كل ماتخلص باب ( يعنى تذاكره وتحفظ المصطلحات + المقارنات + وتبقا فاهم لو فية مسائل اذاى بتتحل وحافظ قوانينها ) وتكون مخلص حل تقويم المدرسة و دليل التقويم
كدة انت خلصت باب مثلا الباب الاول والمفروض انك دلوقتى حتبتدى فى الباب الثانى
يبقا قبل ماتبتدى فى الباب التانى تقرا تانى قراية سريعة للباب الاول ( عشان متنساش اللى ذاكرته ) وبعدين تبداء فى الباب التانى ولما تخلصه زى ماعملت فى الاول ترجع تقرا تانى الباب الاول والباب الثانى قراية سريعة قبل ما تبتدى فى الباب الثالث
وهكذا لحد ماتخلص
واحسن حاجات تستخدمها فى المذاكرة
1- كتاب المدرسة + اى ملزمة شرح تكون بتفهم منها
2- دليل التقويم
3- الاسئلة اللى جت على كل باب فى امتحانات السنين اللى فاتت ( واحسن دليل ليك فى الموضوع دة انك تشوف كل مواضيع الاستاذ/ حسام سويفى )
*- اذا فية باب حسيت انك بتنساه بسرعة يبقا حاول تحل من كتاب الامتحان ( اسئلة ومسائل ) فية اسئلة كتير وكتر حلك للاسئلة حيخلى المعلومة تثبت بس خلى بالك لو حسيت ان الوقت بيضيع مع كتاب الامتحان يبقا نفضلو ومتفتحوش لان مفيش وقت وكتاب الامتحان بيرغى كتير وبيحط حاجات صعب تيجى
انا عن نفسى بعمل كدة وياريت اكون قدرت اساعدك
وصدقنى يابنى متقولش مفيش وقت لان لو قعدت تعقد نفسك الوقت حيضيع فعلا من كتر الاحباط وفى الاخر حتندم
استعين بالله وابداء وخلى عندك ثقة فى ان ربنا مش بيضيع تعب حد واعمل اللى عليك