اسمى فاطمة ودلعى بطة وخطيبى يعاملنى كقطــة
لو هوهو او هز لى ذيله أصابتنى ع الفور زغطـة
وان أحضر سمكا أو فأرا ًمزقت يديه من الفرحـة
فقفزت من بين يديه فحشرت رأسى جوه الشنطـة
فأمسكنى وأخذ يفهمنى مافيش فى الشنطة الا الشطــة
وصاح بصوت عالى وقاللى ماتحطيش نفسك فى الورطة
الموجود فى الشنطة توابل ندهن بيها جسم البطــــة
وان اصررت لفعلك هذا هاتكون ليكى آخر غلطــة
وعقابك ضربك بالفأس أو أقطع رأسـك بالبلطــــة
رغم أنى مازلت خطيبك إلا فشعورى هايجيلى جلطـــة
أمس رأيتك وسط الشارع تلعبى أولى وتنطى النطــــة
وتقولى للناس فى الشارع انفه مهمة وتحتيها شرطـة
فوقفت أمام المرآة وشاهدت الشـرطة كالأمطـــــــــة
والأمطة عند النجار مصنوعة ومخـروطــة خرطـــة
كلمات / أشرف سعـد ( النمساوى )