انا بفكر اعيد السنة :(
السلام عليكم ورحمة الله و بركاته
انا بجد حاسة انى اجرمت فى حق نفسى و حق اهلى و كل حاجة كل حاجة
وزهقت من نفسى
كل يوم اقول هذاكر وفعلا بقوم الصبح لكن بذاكر صفحتين مثلا و ابص على الساعة الاقينى خلصتهم فى ساعة و اكتر.. انا متعودة على الحفظ كدة بقعد فترة طويلة على مااحفظ عشان اطمن وانا بقلب الصفحة انى ذاكرتها بجد و بعدين اكتئب و اضيع بقية اليوم و بمل بسرعة جدا
انا مش عارفة اعمل ايه معدش اى حاجة
و للاسف الانتحار حرام جدا جدا جدا
وانا كدة على طول مش عارفة بعمل فى نفسى كدة ليه
وياجماعة انا دخلت ادبى من الاول وامى و ابويا كانو مش حابين كدة و كانو شبه زعلانين بس انا هموت ياجدعان و اخش سياسة واقتصاد وادرس السياسة او اعلام برضو احب اكون مراسلة صحفية و الحمد لله جبت مجموع كويس اوى و دلوقتى الامر مختلف عن السنة اللى فاتت بقو حاطين امل كبير جدا كأنى فعلا بقيت فى الكلية
و انا عندى فلسفة و جيولوجيا وتاريخ و عربى وانجليزى اعرف فيهم القليل جدا و فى فصول متفتحتش لسا
و معدش وقت نهائى
عاوزه اعيد السنة بس خايفه اكسل وانام برضو و اتفرج على زمايلى وهما بقو فى الكليات وانا قلبى بيتقطع
بس اصلا مش عارفة اعيدها ازاى
مينفعش اقعد فى البيت وقت الامتحان كانوا اما يموتوا فيها لاما يموتونى
اعمل ايه
|