[فكري ابراهيم]

مش هنتخبك يا فلول

وانا عـ الكلمة دي مسئول

إحنا لمَّا عملنا الثورة

حرَّرنا قلوب وعقول

..



الأصوات ليك هَتقِل

عارفينك مش هَتحِل

الشعب هَيفضل صاحي

والفِل هيفضل فِل

..

أنا عُمري ما هَبقى ناسيك

للظالم كُنت شريك

لمَّا احنا دُقنا المُر

كلتوها حمام بفريك

..



اللي اعتاد التزوير

وحَكَمنا بالجنازير

كَسَّرنا بعديه قُلَّة

ووراك هنكَسَّر زِير

..



وبتوب الثورة اتغطَّى

هتخِيل على مين دي يا بطة

الناس كلها عارفينك

لو حتى تكون زلبطة

..



أي خيانة لثورتنا

دي هتحصل على جثتنا

لو مستنينا ننام

جُوَّة التحرير فَرشِتنا

..



مصر بتتغير يابا

بعد ما حكموها عصابة

بقى فيها شجاعة وقوة