اقتباس:
المشاركة الأصلية كتبت بواسطة الأستاذ أحمد راشد
فرماوى
اقرأ كلامى تانى
ده مجرد تصور
انت متخيل ان الاخوان هيسكتوا
على فكرة انا لن اعطى صوتى لمرسى
لو نزل لواحده فى الانتخابات
انا بفكر انى اكون سلبى وما اشارك فى الاعادة
وياريت تقولى تصورك لو شفيق فاز الاخوان هيعملوا ايه
فكر بعقلهم مش بعقلك علشان تعرف توصل |
أعلم أنه تصور و فقط و لكن تصوري لو شفيق اللي فاز الاخوان يعملو اللي يعملوه كده بيشوهوا صورتهم أكثر و هما اللي عملوا في نفسهم كده و في المصريين
هم اللي ركبوا الثورة و فضلوا يقولوا كاني و ماني و هم اللي قالوا مش هنرشح حد و بعدين ينزلو تخيل انت لو ماكانش فيه مرشح من الاخوان النتيجة كانت هتبقي ازاي
و هم أيضا بتصرفاتهم خلوا الناس تنتخب شفيق
و بعدين أبسط حاجة هتتقال لهم لازم تحترموا رأي الشعب و مش هيقدروا يعملوا حاجة و انت شفت اللي حصل في وزارة الدفاع
و أنا عن نفسي ان شاء الله هنتخب في الاعادة شفيق لإن لازم يبقي واحد من الإثنين
عصر مبارك انتهي حتي لو شفيق نجح شوف شفيق مسك الوزارة امتي يعني مادخلش في السياسة قبل كدة و لا مسك وزارة طول فترة رئاسة مبارك
أما بقي لو الاخوان اللي نجحوا فحزب الحرية هيبقي أسوأ من الحزب الوطني أنا أنظر للمستقبل و لا أنظر الي الماضي
اذا كان واحد من الاثنين هفضل شفيق