[محترف الأدسنس]

المشاركة الأصلية كتبت بواسطة العندليب الحزين

انت تعرف أنا بحسدك على ثقتك فى نفسك
أنا كنت لحد السنة اللى فاتت الاول وطول عمرى متفوق بس نظرتى للحياة نظرة تشاؤميه ومعدوم الثقة فى نفسى
ودايما بهول الامور وبتأخد منى أكتر من حقها
لحد لما جت السنة دى والخوف والرعب بهدلونى وفشلت باعتبار ما سيكون بعد الامتحانات اللى بعد 15 يوم
وربنا يصبر أهلى بقا


بس يا ريت الثقة دى مش توصلك لدرجة الغرور والتكبر

ربنا يساعدك

المشاركة الأصلية كتبت بواسطة رانيا حسن

الاحساس ده يمكن نابع من انك بالفعل تملك قدرات وملكات خاصه
ومن حولك يلاحظون ذلك وتلقى منهم ردود افعال تحفز لديك هذا الاحساس

نصيحتى لك اذا احسست بالغرور تذكر ان هناك من هو اعلى منك
واجعل احساسك هذا ايجابى لتنميه قدراتك العقليه بمعنى اجعل ثقتك فى الله كبيره
ولا تقلق حتى الصورة تتضح امامك فدوام الحال من المحال
وستدرك جيدا ماذا تريد وما هى اهدافك وطموحاتك
وحينها سينجلى لك الامر وستشعر بالراحه والثقه
اتمنى للجميع التوفيق

بالعكس تماما قدراتي أني أقدر على التفكير المتعمق والاستباط والواقعية
كنت ساعات بحاول أني اقرأ في علم الفلك واستنجت نظريات علمية لم أصدق نفسي أني عرفتها من قبل قراءتها
وقبلها اثبت نظريات لنيوتن قبل أن اسمع بها
لكن كل من حولي لا يهتم يظن بأنه شئ عادي......
شكرا على المشاركة

المشاركة الأصلية كتبت بواسطة آيه على

محترف الادسنس يعنى بصراحه حاساه موضوع عادى جدا
كل واحد فينا يحب يكون له اسبيشيل استايل وحضور ملفت للنظر
وانت حاسس ان ثقتك بنفسك كبيرة بجد كبيره جدا وانك مميز وانسان خارق
عادى جدا وانا برايى انه مش غرور ولا شى بالعكس
انا مثلا دون عن بقية بنات عماتى او بنات خلاتى حاسة اننى مميزة ليا اب اكثر من رائع ملبى لى كل طلباتى
وام تخاف عليا والحمد لله بحب اخواتى وهم بيحبونى و عايشة مبسوطة والحمد لله
عكس الباقيين اللى عندهم مشاكل مع ابائهم واللى مش قادرين يحصلوا دراستهم
وده ملخينى حاسة انى مفضلة بس مش احسن منهم طبعا لكل انسان دوره فى الحياه وله وضيفته اللى ميقدرش غيره يعملها غيره
وانت كمان ممكن تكون مغرور اوى ومنخيرك فى سابع سما خليك متواضع وبنفس الوقت خلى ثقتك بنفسك جواك هى اللى تقودك وتكون مدرسك فى الحياه

بالعكس أيضا أنا في مثل مستوى حياتك"تقريبا" لكن حاسس أنه مش شئ مميز لأني لا افكر في الحياة السهلة بدليل اني مستعد لأي شئ في سبيل ما أريد حتى لو الموت الكريم
أما أن كل واحد بيحب يكون متميز فدا شئ معروف وبديهي لكن زيادته عن اللزوم مشكلة
شكرا ع المشاركة

المشاركة الأصلية كتبت بواسطة احمد رضا

السلام عليكم ورحمة الله وبركاته
احلي حاجة في القسم ده
ان الواحد بيقدر يتكلم ويطلع اللي عنده

بص ياسيدي
انا هكلمك بصراحه وياريت متزعلش مني
تقريبا الحديث بيقول ايه

" ما من رجل تكبّر أو تجبر إلا لذلة وجدها في نفسه "

انت عندك حاجة بتحاول تداريها في اعماق نفسك دور وهتلاقيها صدقني

حط في دماغك ان القدرات اللي عندك دي ممكن اي حد يوصل ليها باتباعه قاعده
" علي قدر الجهد المبذول تأتي النتائج "
يعني من جد وجد

وشوف اللي انت تقدره تعمله وقدره
شوف هل حد غيرك لو عمل نفس خطواتك هيقدر يوصل للنجاح ده
لو لقيت فعلا هيقدر
يبقي خلاص

ادي المشكلة

ازاي تتحدي الغرور بقي

دايما التحق باللي اعلي منك في الفِكر
ولما تبقي اعلي منهم
التحق باللي اعلي منهم اكتر
وهكذا
وصدقني لو بدأت في الطريق ده
هتبقي كويس
بس مش احسن واحد بردو

ولو بقيت اعلم اهل الأرض وافضلهم

فربك قال

" وما اؤتيتوا من العلم إلا قليلا "

ده ياراجل كل يوم بيكتشفوا 15 ألف نوع جديد من الحيوانات
تخيل
سبحانك ياربي

فاحذر من الغرور
الثقه بالنفس حلوة
بس الغرور وحش
مش بيقدم
بيأخر دايما

وخليك دايما عندك ايمان بربنا
واكيد هتبقي كويس ان شاء الله

وسبق وقولت في فلسفاتي

" المتحزلقون هم اقل الناس ايمانا وعلما ً "

ايمانا : عشان ربك قال وما اؤتيتوا من العلم إلا قليلا
وعلما ً : لن الحكمه بتقول كلما ازدادت دائره ما نعرفه
كلما ازدادت دائره ما لا نعرفه

اتمنالك التوفيق
وان شاء الله انت شخص كويس
وهتبقي حد كويس في المجتمع
لما تتخلص من الغرور

اتمني الإفاده


وعايزك كدا في الآخر تفتكر اشرف الخلق نبيك ونبينا محمد - اللهم صلي علي سيدنا محمد - كان متواضع ازاي
رغم انه الفيلسوف الاول
والمعلم الاول
والطبيب الاول
واشرف الخلق فعلا وافضلهم
وكان متواضع
بالله عليك فيه بعد كدا

شكرا على النصائح الغالية