اقتباس:
المشاركة الأصلية كتبت بواسطة سها صقر
الاخوان كانو فى الميدان زيهم زيك ياباش مهندس وشباب الثورة نفسهم قالو كدة وبعدين انا اللى معقدنى من حمدين الحاشية اللى حواليه اولهم خالد يوسف اللى بينادى بخلع الحجاب واى ممثلة تلبسه يتريق عليها ويقولها ملكيش شغل معايا كانه هو اللى بيوزع الارزاق استغفر الله العظيم شوف الفرق بينهم وبين اللى كانو فى حملة ابو الفتوح او مرسى على الرغم من احترامى لحمدين كثورى مناضل.
|
اولا انا قولتلك اسمي احمد بدون القاب (بدون القاب دا مش تبع الاسم
).
بصي يا سها انا مراعي انك متعرفينيش
بس انا قولت قبل كدا ومقتنع من فترة اني ارشح ابو الفتوح
بس لو عاد محمد مرسي قدام اي حد الا ابو الفتوح حتى لو قدام صباحي هنتخب الدكتور مرسي
ولو عاد صباحي قدام اي حد غير الاتنين دول هنتخبه
مما يعني اني بحترم الدكتور مرسي جدا ومقتنع بيه
بس لايجوز اني اقول انه مرشح ثوري فعلاً متزعليش يعني
في واحد عجبني جدا كلامه بيقول طبعا الثورة كان فيها كل الاطياف والاخوان كانوا مؤثرين فيها جدا
بس الثورة في ال18 يوم مختلفه تماما عن الثورة الآن الاخوان كانوا في الميدان ماشي ولو انه مش من بداية الثورة ماعدا بعض الاشخاص زي دكتور ابو الفتوح
بس بعد ال18 يووم ماخلصوا الاخوان سابوا الثورة مش هقول تواطئوا بس على الاقل مساعدوش على إنّها تكمل ومكملوهاش مع الشباب
للي سمع امبارح برنامج محمود سعد وشاف مكلمة السيدة وفاء أم الشهيد محمد مصطفى هيحس بجد بمعنى الحزن من الاخوان لما سابوا الشباب ساعة احداث مجلس الوزرا لما قالوا سيبوا عجلة الانتاج تمشي وسابوا الشباب يتقتلوا عشان كانوا بيقولوا مش عايزين الجنزوري ودلوقتي هم ال جايين يقولوا الجنزوري وحش!!!!!
انا اسف يا سها بس دي الحقيقه ال مينفعش حد ينكرها