[doha94]

المشاركة الأصلية كتبت بواسطة ahmed h capo

بسم الله الرحمن الرحيم

بجد انا تعبان نفسيا جدا منكرش ان الانتخابات ليها دور كبير في اللي انا فيه
بس انا بجد حاسس اني خلاص تعبت علي الفاضي ومجهود سنه بحالها هيضيع ومش هجيب المجموع الي كان نفسي فيه
كل ماحفظ كلمه انساها ومش عارف انتظم في الصلاة ودي من اكبر المشاكل الي بواجهه
وحاسس ان لو الامتحانات جت صعبة مش هعرف احل بجد لاني شايف نفسي علي قدي رغم ان اصحابي والمدرسين شايفين غير كدة خالص
بس بجد معنوياتي زفتتتت كل اللي نفسي فيه اني افرح اهلي بمجموع بس وتعبي ميروحش هدر
انا اكتر مادتين تعبت فيهم التاريخ والmath وخايف من الalgebra اوي لكن العربي والانجليزي والفرنساوي الحمد لله انا احيانا مش بحتاج اذاكرهم لاني بعرف احل فيهم وبعرف اجاوب كويس خصوصا في الانجليزي والفرنساوي
بجد مش عارف ايه
حاسس ان مستقبلي هيضيع وتعب السنه كله والشحتته في الدروس هتروح عل فاضي
محتاج دعوتكم اوووووووي

ده احساس خوف بس علشان الامتحانات ناقص عليها قليل اووووى
بس اصعب مرحله انك تقعد على الكتاب
فا انت تعمل ايه ابدأ براحه وحل امتحانات وراجع اللى انت مش عارفه
انت عارف انا علشان بزهق بسرعه من حل الامتحانات
انا وصاحبتى حلينا امتحانين مع بعض على الموبايل وبعض ما خلصنا مزهقناش خالص
وبعد كده قفلنا وكل واحد بيكمل اللى هو بيذاكره
بس لازم نشد علشان تفرح اهلك ودوس على الجبر الى انت مش بتحبه حل امتحانات ده سهل خالص جبت فيه 24 كان عندى غلطه هايفه نقصتنى درجه
وذاكر بليل وان شاء الله ربنا يوفقك وتجيب مجموع كبير