[To Be Is To Do]

المشاركة الأصلية كتبت بواسطة ربنا يجيب اللى فيه الخير

السلام عليكم ورحمة الله وبركاته

انا طالب فى الصف الثانى الثانوى .. كالعادة لازم اقول انى شاطر وبطلع من الاوائل كل سنة على مدرستى فى سنين اعدادى

جت فى دماغى افتكاسة منيلة بنيلة انى ادخل تانية ثانوى من غير دروس خصوصية
وانى اعتمد على نفس واذاكر واجد واجتهد وبتاع
بس كالعادة وطبعا لانى فى 2 ثانوى ومفيش مدرسة ولا فيه دروس ولا اي حاجة تقريبا كان عندى اربعة وعشرين ساعة فراغ فى اليوم
فعلا ذاكرت واجتهدت فى بتاع اول 3 شهور
وبعد كده نمت
ومصحيتش غير من شهر
وطبعا لانى مصر انى عبقرى مرضيتش اخد دروس خصوصية فى المراجعة وانى اكمل كده
دلوقتى طبعا الامتحانات على الابواب وانا لو دخلت الامتحانات اقصى درجة هاجيبها هى 70%
وممكن اسقط كمان لانى ضايع فى الالمانى والكيمياء
دلوقتى انا شايف حل انى ممكن اسقط نفسى السنة ديه واعيدها
وانا متأكد بأذن الله انى لو عدتها هقدر اتفوق وادخل الكلية اللى انا عاوزها
دلوقتى انجح واجيب 70% وادخل كلية الحقوق ولا الاداب ولا اى معهد
ولا اخسر سنة من عمرى وانشاء الله ادخل كلية كويسة كلية الهندسة مثلا

اسف انى طولت عليكم..السلام عليكم ورحمة الله وبركاته

وعليكم السلام ورحمه الله وبركلته
بص إنت لو ضاع بجد بجد ف مواد يبقى تضحى سنه بدل م تضحى عمرك كله لما تدخل أى كليه وحشه
يبقى ذلك يتوقف ع مذاكرتك يعنى حاسس إنك ضايع خالص ... يبقى إفكس من السنادى ولعله خيرا السنه القادمه
لكن حاسس إنك مش ضايه أوى يعنى ... يبقى أدخل السنادى وسيبها ع الله