معاكم فى ان اهل اى طالب بيتمنوا يشوفوه ناجح وكل دا
بس مافيش كليات قمة
ماما مثلا عارفة ان هدفى فنون تطبيقية
ولا قالت لنا لا طب ولا هندسة ،، واهى طبيبة ،، ووالدى استاذ فى هندسة
يعنى ال2 كليات قمة،، وممكن كمان اتسند فى هندسة ،، بس لااء
ع العكس هما معانا فى ارائنا وسابيبيننا احنا اللى نختار الحاجة اللى بنحبها ،، وبراحتنا ع الااااااخر
لان مين قال يعنى ان الكليات اللى بتسمى كليات قمة هتبقى مرتاح بعد كدة ؟ والله مش شرط
دى بتعتمد ع الشخص
المهم تخطط صح ،، وتشوف سوق العمل او الدنيا ماشية انهاردة ازاى
دا بقى اللى انا بعمله دلوقتى عشان احدد القسم ،، مش الكلية كمان
غير مالهم تجارة وحقوق ؟
منهم ومنهم
الناجح والفاشل
الفاشل اللى دخلها مجبر ولا عشان المجموع والسلام
بس انا اعرف ناس داخلينها حبا فى تعلم شىء معين
اعرف واحدة مثلا جايبة 98،5% ودخلت بيهم اداب ويا ماشاء الله هى معيدة دلوقتى
ومحدش بيطلع السلم مرة واحدة
حدد ى ايه اللى يناسبك واللى انتى حباه واسعى له بكل جد واجتهاد
ومتنسيش اللغات والكمبيوتر طبعا
وتحسين المهارات ،، دا اللى هيوصلك مش الكلية ،، طب ما اى كلية بيتخرج منه الاف كل سنة ،، هل كلهم بعد كدة زى بعض ؟؟؟؟؟؟؟
حاجة تانية غلط فى منظومتنا سواء تعليمية او عملية هى فكرة "كلية القمة " المسيطرة ع الفكر
مهما كان مستواكى
انتى ميولك اييييييييييه ؟ حابة ايييييييييييه ؟ طيب ايه اللى تقدرى تقتحمى مجاله ؟ فكرى فى دا كويس اوى بس زيلى قبلها فكرة كليات القمة من قدامك عشان تختارى صح
دا مجرد رأى ،، واتمنى لك التوفيق ان شاء الله
بس امشى نحو الاهداف الاقرب ،، و متخليش اى حاجة فى سكتك تحبطك ،،
فى ناس ياما بتغير الكاريير بعد كدة لو لقت نفسها فى المكان اللى مش مناسب
والسلام عليكم
