بصى ياارق ملاك
بيقولك اسئل مجرب ولا تسأل طبيب
انا كنت زيك كدة بالظبط
ويمكن اسخم كمان
كنت بفضل صاحية طووووووووووووول النهار والليل
وكنت بنام 6 ساعات بس فى 24ساعة
بس الحمد لله ربنا تاب عليا من مزاكرة باليل دية
بقيت بصحى بدرى على 4 الفجر كدة
واقعد اذاكر لحد 12الضهر
واروح نيمالى شويتين صغيرين
وبعدها اصحى على 2 كدة
واقع اذاكر تانى لحد الساعة 11 باليل
وانام لحد الساعة 4
صدقينى بقيت بذاكر اكتر من الاول بكتييييييييييير
وتركيزى بقى عالى الحمد لله
وبقيت حاسة انى بنام نوم عميق اووووى
ساعة نوم باليل ولا عشرة الصبح
صدقينى اعدلى نفسك على الميعاد دة
هتفرحى اوى
ولما تلاقى نفسك بقيت تمام
مش تدعيلى لالا ادعى للى قالى على النظام دة
ااه فى حاجة كمان
بلاش تشربى نسكافية او قهوة اول ما تصحى من النوم
وحشين على صحتك واحنا محتاجينك
وكمان بطليهم خالص هيكون احلى بذات القهوة
لانها بتصفر السنان غير الحاجات التانية الى انتى فى غنى عنها
اشربى كابتشينو بالبندق حلو
__________________
laugh at the time when people wait ur tears
|