[فكري ابراهيم]

العدل فين يا محكمة
ع الارض ولا فى السما
قضبان حديد تحاوطنا
وإحنا الأبرياء
إحنا اللى ضيعنا فى زمانكو
واللى إنتشر فيه الرياء

كبير عن الحق اتعمى
وصغير على الارض اترمى
العدل فين يا محكمة

ذنبى فى رقبة مجتمع
صرخت فيه ولا استمع

حقك ياشهيد مش هايضيع
حريتنا وكرامتنا مش للبيع

شلة لصوص سرقوالبلد
خلو الغل فى قلوبنا اتولد
وسابونا نطحن بعضنا
خلونا ناكل لحمنا
وعاوزين يرجعو تاني
ويقتلوا فيناحلمنا
بس وربنا
ماهانسيب حقنا
مستمرين في ثورتنا
لحد مانحقق حلمنا
ويتحقق عدل ربنا
ونعيش بكرامة علي ارضنا