نظرة تحدي
مهما كان البحر عالي
مهما كان الموج بيرفع
مهما طال أسر الليالي
يوم هييجي الفجر يطلع
خد شراعك وامشي بيه
اوعي يوم تبص لوراك
اياك تحس انك سفيه
وافتكر.. اللي حماك
***********
مش ف يوم هنقول تعبنا
وبكره كل الكون هيشهد
هنفضل نقول البيت دا بيتنا
وصبرنا عمره ما ينفد
احن جيل قررنا نعزف
احلى اناشيد الحياه
مش في فسكت وههتف
ايوه وهسقط الطغاه
************
مهما كان تمن النضال
مش هبيع دم الشهيد
هو كان سر الجمال
وبكره نشهد نور جديد
ولو فقدنا ف يوم رجال
فاحن بنربي الوليد
مش ف يوم هنقول خلاص
دا النجاح محتاج كتيير
واحن جيل رمزه الحماس
ودارنا هو التحرير
راح نكون رمز الإراده
ومش هنقبل بالخنوع
ولو سلبتونا الحياة
مش هنبكي بالدموع
.................................................
معلش يعني سامحوني بس دي اول تجربه ليا اني اكتب شعر بالعاميه وماظنش كنت هكتب اصلا الا بس من شوية وانا قاعد بتابع الاخبار ومشكلة السلطة القضائيه والسلطه التشريعيه والمستشار الزند فالقلم بدأ يتحرك لوحده وانا بذاكر فمعلش تحملوا التوبيك المتواضع دا برغم مشاكله الكتيره