يا شعب مسطول
يا شعب مسطول
إنت يا شعب يا عامل غاره
على موجتين غرقوا عبَّاره
ممكن تخرس و تسمعنى شويه
على ما أقولك إيه العباره؟
***
إحنا قلنا هنريحهم
و كانت نيتنا إننا نبسطهم
بلاش يا خويا تبصلى و تبرقلى
لحد ما أكمل بقية العباره
***
كانوا عايشين عيشه فقريه
و بطاله رايحه و بطاله جايه
حد يطول يرتاح م الدنيا
و كله فانى و كلها فانيه !!
***
قوللى يا شعب لسانه مفرود
السمك أحسن و للا الدود؟
دا احنا صبرنا على غباكم
بس يا ناس للصبر حدود
***
ليه معترض ع قضاء و قدر؟
شعب عامللى آل متدين
و هوا بقضاء ربنا كَفَر
***
بص يا شعب يا شغال تلاكليك
حط جملتين قدام عينيك
يا إما تخرس و ما تنطقشى
يا مش هتلحق تقول يا فكييك
**************
منقوووووووووووووووووووووووووووووووول
__________________
لا تندمن على غدر الزمان فالطالما ... رقصت على جثث الاسود كلاب
لا تحسبن برقصها تعلوا اسيادها ... تبقى الاسود اسود والكلاب كلاب
|