اقتباس:
المشاركة الأصلية كتبت بواسطة Y U N A
بص ياسيدى
موضوع التعبير عليه 10 درجات لان فروع العربى بيتوزع عليها 60 درجه وبعدين فى الاخر بتتقسم على 2 فبيبقى عليه ف الاخر 5 درجات
وبيبقى مكتوب ف نموذج الاجابه ان لافكار الموضوع وتنوعها 5 درجات ولجمال الاسلوب وسلامة القواعد 3 ولخلو الموضوع من الاخطاء الاملائيه ولجمال الخط درجتين
قالولى ان المصحح بيدى درجة التعبير حسب الكم
السنه اللى فاتت سبت التعبير للاخر ويادوبك اللى كتبته صفحتين وربع تقريبا بس الحمدلله الافكار كانت متسلسله وحاولت انوع بقدر الامكان فيها وجبت العشر درجات فيه
ولما كنت بعمل التظلم شوفت المصحح حاطط خطوط تحت كلام معين يعنى تقريبا فى مصححين بيقروا قراءه سريعه ويشوفوا الكلام المفيد والافكار اللى كتبت عنها
فالتصحيح دا حظوط يعنى اللى كتب ورغى كتير _من 6 لـ 8 صفحات _ جاب درجات كويسه فيه وفي اللى مجبش
بس عموما حاول تنوع الافكار وتكتب مقدمه كويسه للموضوع ونهايه كويسه تقول فيها وجهة نظرك مثلا او تكتب فيها بايجاز وبطريقه مختلفه الافكار اللى كتبت عنها وف النص مش تفضل تعيد وتزيد فى فكرتين تلاته لا اكتب باستفاضه مره واحده ف فكره معينه ومش تجيب سيرتها تانى
شكلى رغيت كتير .. بس حبيت افيدك ولو بحاجه بسيطه  |
طب انا بالنسبة للاسلوب والتنوع وجمال الخط مفيش مشاكل انما القواعد ربنا يستر
وبالنسبة للرغى كفاية انك ضيعتى وقتك فى وقت زى اللى احنا فية دة عشان تردى وتوضحى حاجة والحمد لله انتى كدة وضحتى لى حجات حاركز عليها وان شاء الله خير
شكرا اوى على اهتمامك بالرد وان شاء الله السنة دى تقفلى العربى كله مش التعبير بس
