النهارده، كنت نازل الصبح رايح الامتحان انا و واحد صاحبى فركبنا المترو فبقول لصاحبى انا لو ساللتك على حاجة تبقى تغششنى فقالى ماشى كان ادامنا شيخ فا لقيته بصلى اوووى و بيقولى عيب ياابنى من غشنا فليس منا، و كمل كلامه: اسمها نذكر بعض مش نغشش بعض،
النهارده، اول يوم اقبض فيه من يوم ما اشتغلت فى المدرسه (مدرس رسم) و فرحان بقى و انتوا عارفين يوم القبض الواحد بيحس انه عنتر ابن شداد، المهم قابلنى صاحبى قالى رايح فين؟ قولتله على طول اصلى لسه قابض مرتبى (حبيت ارسم الدور يعنى) قالى انتا بتقبض كام؟ قولتله 250 جنيه و ان شاء الله هزيد السنه الجايه، قالى يابنى دول بحط بيهم برفان كل يوم و انا خارج من البيت،
النهارده، كنا فى محاضرة تربية صحية فا الدكتورة بيتقول تحليل الهيموجلوبين بيتعمل ب 5 جنية و تحليل الفيراتين (دة نوع من انواع التحاليل) بيتعمل ب 25 جنية و سئلتنا حد يعرف الفرق بين الاتنين ردت بنت و بكل ثقة وقالت بصوت عالى 20 جنية وطبعا الدكتورة كانت نقصد الفرق العلمى طبعا،
النهارده، كنت فى الكليه وعندى امتحان المراقب عمال يبصلى وانا عمال ابص فى ورقة اللى ورايا لسه ببص قدامى لقيت المراقب واقف قدامى بيقولى خلصت ولا لسه قولتله لسه قالى طيب هات وراقتك قولتله خلاص برضو لا اديته الورقة قالى تعالى بقا وراح معدنى جمب صاحبى اللى كنت بغش منه وقالى هنا تعرف تغش براحتك،
__________________
|