اقتباس:
المشاركة الأصلية كتبت بواسطة eslameng
انا جايب 285 وعايز ادخل فصل المتفوقين وماعرفشي اي حاجة في اي حاجة عنه .ارجوكم حد يجاوبني
|
انت عشان تتدخل فصل المتفوقين بتروح تقدم ورقة فى مدرستك انك عايز تتدخله وبعدين بعد كده بتعرف الميعاد ورقم الجلوس بتاعك والمدرسة اللى انت هتمتحن فيها والامتحان بيبقى عبارة عن كذا ورقة وفيها اسئلة وكل سؤال ليه زمن معين
اما الاسئلة بتبقى عبارة عن اسئلة ذكاء بتبقى سهلة بس محتاجة تركيز وممكن يجبلك اسئلة عن شخصيتك بتبقى متشابهة لحد ما عشان يعرف انت بتقول صح ولا غلط وبيجبلك سؤال عشان تتطبق عليه
ومن الاسئلة اللى كانت فى الامتحان بتاعى .........صفاء فى كلية الطب وعايزة تشتغل عشان مصاريف الكلية وكان عايز حلول عشان توفق بين الدراسة والشغل
وكمان كان فيه سؤال كان غبى اوى يجيب اشكال مكونة من مكعبات وعايز بقى عدد المكعبات دى
وكمان فيه كتاب بيبقى فيه اسئلة ذكاء وكده ممكن تجيبه هو هيفيدك كتير فى انه يعودك على الاسئلة دى وكمان هيبقى تسلية فى الاجازة
والفصل ليه مميزات وعيوب اهم مميزاته ان كل اللى معاك هيبقى مستواهم العلمى والاخلاقى عالى وده هيبقى حافز ليك انك تذاكر
وعيوبه ان ساعات المدرسين مبيشرحوش لانهم بيعتمدوا على ان اللى قدامهم احمد زويل
وفصل الفائقات اللى انا كنت فيه كان المدرسين عاديين جدا ومكانوش احسن مدرسين فى المدرسة ولا حاجة يعنى ساعات كده وساعات كده
ربنا يوفقك