اقتباس:
المشاركة الأصلية كتبت بواسطة nourhan_nono
طيب يعنى اما ادخل اولى ثانوى و لقيت نفسى بحب مواد العلمى اكثر
ادخل علمى ؟ طيب هى علمى هتبقى زى اولى و السنين اللى فاتت ؟؟
ولا هتبقى حاجة تانية خااااالص و اصعب ؟؟؟؟
|
بصراحه مفيش علاقة بين أولى وما بعدها من وجهة نظري انا يعني
اولى محتاجه مذاكره كتير وأصعب من تانيه وتالته دا ع حد رؤيتي لأنّي كنت أفشل خلق الله فيها
واكتر ماده كنت بحبها الفيزيا نقصت فيها وأكتر ماده كرهتها في أولى ثانوي لأنّها بجد صعبه جدا الكيميا في تانيه بقى سهله جدا يعني كيميا اولى اصعب بكتييير من كيميا ثانوي عام سواء تانيه او تالته ويكفي الدروس بتاعة الكيميا النوويه والقنبله الذريه والمفاعل النووي والحاجات الفاشله دي فقفلتها ف تانيه مع اني كنت فاشل فيها في اولى وكنت فاشل ف المواد الأدبيه جدا ف أولى بس قفلت زي كل الطلبه يعني علم النفس في تالته عشان سهله جدا
ال عايز اقوله إنّك مينفعش تحكمي على الموضوع من وجهة نظر اولى ثانوي يعني انا ف اولى ثانوي جيبت درجه وحشه اوي ع قد ما انا فاكر يعني لأنّي مكنتش بذاكر خالص وبالرغم من دا جيبت ف ثانوي عام 400 من 410 اي ما يقارب 97.6%
الموضوع بقى يتوقف على ميولك انتي بتحبي ايه هل تحبي تقعدي تحفظي تاريخ 12 ساعه ولا تحفظي كيميا وفيزيا المتعبه بس الفرق بين الاتنين ان التاريخ هتحفظيه من غير ما تجربي تشغلي دماغك انما الفيزيا لازم تفهمي معاها
هي تتقاس كدا
والله اعلم بقى انتم النظام الجديد بتاعكم هيبقى شكله ايه بقى ربنا معاكم