إمتحان الانجليزى للمرحلة الاولى الثانوية لا يطابق ما تم دراستة طوال العام / مصر
بجد قمة الظلم والافتراء
لما نفحت نفسنا طول السنة ونحل بالاف الجمل فى الاختيارى وتصحيح الاخطاء وفى الاخر نغلط فى الامتحان وياريت نقع مثلا فى جملة او جملتين
لا دى بالتلت واربع جٌمل
بجد بقول حسبى الله ونعم الوكيل فى اللى حاطط الامتحان
أينعم الامتحان سهل لكن الحلو ميكملش
على الرغم من اخطائى الفادحة اللى ممكن انقص فى الامتحان حوالى 3 او اربع درجات
لكن انا بتعزى بالترجمة وموضوع الانشا وقطعتين الفهم والاستنتاج
ياريت كان يجيب الصعب فى دول عشان تعبنا اللى ضاع طول السنة ده
وفى الاخر الاختيارى والفايند ميستاك يجى بالشكل ده
بجد انا بقيت مشمئز جدا من التعليم المصرى
يعنى حتى لا بنروح مدارس ومعتمدين على الدروس الخصوصية واهالينا المظلومة معانا
طول السنه مصاريف ويجى امتحان اخر السنة كدة
عمرى ما اعتبرت الامتحانات دى مقياس ودايما بعترف انى اكتسبت كل الفوائد والخيار من خارج المدرسة ومن المعرفة الشخصية والمعلومات العامة
ونفسى بجد التعليم يتعدل فى مصر ومش مصر س فى كل الدول العربية
وميبقاش فرض على التلميذ والطالب يكون اختيارى ويكون فى تخصصات من الحضانة حتى الجامعة
دعوة لاحياء هيئة التدريس فى مصر
بجد انا بحتقر المكان اللى انا فيه لان المسؤلين هما السبب
كان زمانا فى مناصب وشغل محترم بعلمنا
انما لا فى علم محترم ولا شغل حتى
وأل عايزين شفيق أل
واحد يطلع يقولى فى التلفزيون انا كسبت
والتانى نفس الحكاية
عاهات على اخر الزمن
أعذرونى على التطويل وعذرا على بعض الالفاظ العامية
وايضا على عدم ارفاق الامتحان
مجرد ما ينزل على احد المواقع سأضع نسخة منه .
|